Máskeýdegi Jeńis sherýi erekshe toılanbaq

ALMATY. 3 mamyr. Reseı Federasııasy Prezıdenti ákimshiliginiń jetekshisi Sergeı Ivanov: «Álem jurtshylyǵy – Qyzyl alańda Uly Jeńistiń 70 jyldyǵyna oraı ótetin áskerı sherýdiń buryn-sońdy bolmaǵanyna kýá bolady», – dep málim etti. Bul týraly Russia Today habarlady. Saltanatty sherý Máskeý ýaqytymen tańǵy saǵat 9:00-de bastalady. Sherýge 15 myń adam qatysady. Saltanat – tarıhı burynǵy jáne qazirgi degen eki bólimnen turady. Qyzyl alańnan budan 70 jyl burynǵy keńestik áskerı kıim úlgisindegi jaýyngerler sol kezdegi jaýyngerlik týlardy kóterip, júrip ótedi. Soǵys kezindegi áskerı tehnıkanyń úlgisi kórsetiledi. Sondaı-aq, Sergeı Ivanov: «Jerde – qazirgi zamanǵy Reseı Qarýly Kúshteriniń qýatyn kórsetý maqsatynda alańǵa RS-27 «Iаrs» zymyrandyq keshenderi, dáldigi zor artıllerııalyq qondyrǵylar boı kórsetse, kókte – Sý-30, Sý-35 sekildi ýltra-zamanaýı ushaqtar jurttyń nazaryna túsetin bolady»,– dedi. Jalpy sherý ótkizý úshin bul naýqanǵa Reseı 28, 5 mıllıard rýbl bóldi. Onyń 12,5 mıllıardy soǵys jáne tyl ardagerlerine merekelik bir rettik syıaqy retinde tólenedi. 8-10 mamyr aralyǵynda Máskeýde ótetin bul Jeńis sherýi merekesine dúnıe júziniń 30 elinen mártebeli meımandar, BUU men IýNESKO jáne basqa da halyqaralyq uıymdardyń ókilderi qatysady. Talǵat Súıinbaı. Derek, sýret: Russia Today.