Vedomstvo málimetinshe, qazirgi ýaqytta KQK tarapynan qazaqstandyq munaıǵa shekteýler joq, qabyldaý grafıkke sáıkes júzege asyrylady.
«KQK aqparatyna sáıkes, «Tengız – Novorossıısk» magıstraldyq munaı qubyry 2025 jylǵy 17 aqpanda Máskeý ýaqytymen saǵat 02:50-de «Kropotkınskaıa» munaı aıdaý stansııasynyń qatysýynsyz tranzıttik rejımde iske qosyldy», delingen habarlamada.
Aıta keteıik, buǵan deıin 17 aqpanda Kaspıı qubyr konsorsıýmynyń munaı tasymaldaý nysany – «Kropotkınskaıa» munaı aıdaý stansııasyna ushqyshsyz ushý apparaty shabýyl jasaǵan edi.
Kompanııa bul áreketti «terrorıstik shabýyl» dep atady.
«Shabýyl jeti ushqyshsyz ushý apparatymen jasalǵan. Olar jarylǵysh zattardan bólek metall zaqymdaıtyn elementtermen toltyrylǵan. Shabýyl arasyna ýaqyt salyp jasaldy. Osylaısha nysannyń jumysyn toqtatýdy ǵana emes, stansııadaǵy operasııalyq qyzmetkerlerge zııan tıgizýdi maqsat etti. Munaı aıdaý stansııasynyń qyzmetkerleri arasynda zardap shekkender joq. Konsorsıým qyzmetkerleriniń úılesimdi áreketiniń nátıjesinde munaı aǵyp ketýge jol berilmedi», dep habarlaǵan edi KQK baspasóz qyzmeti.
