«Qaza tapqandardyń ǵana emes, olardyń otbasy músheleriniń de qaryzdary men nesıelerin óteý qalypty jaǵdaı. Sizder otbasylardyń jaǵdaıyn muqııat saralap, balalardy, onyń ishinde kámeletke tolmaǵandardy oqytýǵa ketetin shyǵyndardy jabýlaryńyz kerek», — dedi Qanat Bozymbaev.
Al respýblıkalyq bıýdjetten asyraýshysynan aıyrylý boıynsha memlekettik járdemaqy, saqtandyrý tólemderi qarastyrylǵan jáne jerleý shyǵyndary óteledi. Vıse-premer tólemderdi keshiktirmeýdi tapsyrdy. Tıisti tergeýlerden keıin shahtada «Qazaqmys korporasııasy» JShS-de kelisimsharttyq mindettemeler qaıta qaralatyn bolady.
«Tergeý onyń qaýipti nemese qaýipsizdigin kórsetpeıinshe, shahtadaǵy jumysty qaıta bastaý týraly oılamańyz. Júıe men tásilderdi túbegeıli ózgertý qajet, biz memleket tarapynan olardy qataıtatyn bolamyz. О́nerkásiptik qaýipsizdik komıteti quryldy, biz zańnamany ózgertemiz. Qazir Parlamentte tıisti zań jobasy qaralýda, osy zań jobasy sheńberinde Tótenshe jaǵdaılar mınıstrligine qosymsha ókilettikter beriletin bolady. Mundaı jazataıym oqıǵalardy aldyn alý úshin biz bar kúshimizdi salamyz. Memleket basshysy tergeýdi muqııat júrgizýdi tapsyrdy. Bul quqyq qorǵaý organdarynyń saraptamalary, ónerkásiptik qaýipsizdik komıtetiniń tergeýi, sondaı-aq sizdiń eńbek ınspektorlaryńyzdyń tekserýleri. Sizdiń mindetińiz – osy tótenshe jaǵdaıǵa kimniń jol bergenin anyqtaý», — dedi Qanat Bozymbaev kompanııa basshylyǵyna.
Eske sala keteıik, Ulytaý oblysyndaǵy ken ornynda bolǵan tótenshe jaǵdaıǵa baılanysty «Taý-ken nemese qurylys jumystaryn júrgizý kezinde qaýipsizdik erejelerin buzý» baby boıynsha qylmystyq is qozǵaldy.
