Floıd Meıvezer osy jyldyń qyrkúıeginde rıngpen qoshtasady

ASTANA. 3 mamyr. Búgin «Ǵasyr jekpe-jeginde» Mennı Pakıaodan basym túsken Floıd Meıvezer osy jyldyń qyrkúıeginde sońǵy ret judyryqtasatynyn aıtty. Bul týraly TASS habarlady. «Kelesi jekpe-jegim osy jyldyń qyrkúıek aıynda ótedi. Bul kezdesý sporttyq ǵumyrymdaǵy eń sońǵysy bolmaq. 49 jekpe-jek ótkizip, birde bir ret jeńilmeı rıngten ketemin», – dedi boksshy kezdesýden keıingi baspasóz máslıhatynda. Pakıao týraly ol: «Mennıdiń kez kelgen qarsylasyn bas kótertpeıtindeı qaýqary bar. Onyń ne úshin boks bıiginde júrgenin endi túsindim. Pakıaodan basym túskenim úshin ózimdi aqyldy boksshy sanaımyn. Ol – óte myqty qarsylas. Sondyqtan maǵan ońtaıly sátti kútip, óte saq qımydaýǵa týra keldi», – dedi. О́z kezeginde Mennı Pakıao tóreshilerdiń sheshimimen kelispeıtinin aıtty. «Meıvezerge qaraǵanda meniń soqqylarym kóp boldy dep oıladym. Jeńiletindeı sonshalyqty taıaq jegem joq. Sondyqtan tóreshilerdiń sheshimine áli tań qalyp turmyn», – dedi fılıppındik boksshy. Aıta keteıik, jartylaı orta salmaqtaǵy qos myqty arasyndaǵy jekpe-jek búgin AQSh-tyń Las-Vegas qalasyndaǵy MGM Grand arenasynda ótti. 12 raýndqa sozylǵan aıqasta Meıvezer tóreshilerdiń sheshimimen jeńiske jetti. Elaman Qońyr. Derek: TASS Sýret: lenta.ru.