Foto: instagram.com/01pk
Ol 2021 jyldyń qarashasynda Aqmola oblysyndaǵy «Batyr» qoǵamdyq birlestigine ońaltý ortalyǵyn salý úshin aqsha jınaý maqsatynda qaıyrymdylyq aýksıonyn uıymdastyrǵan.
Sharaǵa muqtaj múgedek-balalar men olardyń ata-analary da tartylǵan.
«P.Qaırat 48 mıllıon teńge jınalyp, quny 100 mıllıon teńge ǵımarat syıǵa tartylǵany týraly habarlaǵan. Alaıda, aýksıon kezinde shyn máninde 22 mıllıon teńge túsken. Al aqshany jeke qajetine jaratqan. Sonymen qatar, ol «Batyr» qoǵamdyq birlestigi úshin quny 30 mln teńge jer telimin satyp alǵanyn málimdegen. Tergeý barysynda bul ýchastokty 2019 jyly birlestik ózi satyp alǵany belgili boldy», delingen agenttik habarlamasynda.
Al ońaltý ortalyǵynyń qurylysy áli bastalmaǵan, ortalyqqa berildi degen ǵımarat múldem joq bolyp shyqqan.
Sotqa deıingi tergeý jalǵasyp jatyr. Agenttik ózge aqparat tergeý múddesine saı jarııa etilmeıtinin eskertti.
