AQSh-ta mıy ólgen áıel dárigerlerdiń kómegimen aman-esen bosandy

ASTANA. 3 mamyr. AQSh-tyń Nebraska shtatynda adam sengisiz jaıt tirkeldi. Eki aı buryn mıy tirshiligin toqtatqan áıeldiń qursaǵynda jetilgen sábı dárigerlerdiń sebep bolýymen aman-esen dúnıege keldi. Bul týraly belta.by habarlady. Aqpan aıynda aıaǵy aýyr áıel kenetten kóp mólsherde qan joǵaltyp, aýrýhanaǵa jetkiziledi. Alaıda, mamandar onyń dertine daýa taba almady. Nátıjesinde bolashaq ananyń mıynda tirshilik belgisi toqtap, áıel jaryq dúnıemen qosh aıtysady. Bul kezde áıeldiń júktilik merzimine 5 aı tolǵanyn aıta keteıik. Tekserý barysynda dárigerler qursaqtaǵy balanyń densaýlyǵyna eshqandaı zaqym kelmegenin anyqtaıdy. Soǵan oraı onyń ómirin saqtap qalýǵa kúsh jumsady. Osy maqsatta áıeldi arnaıy apparattarǵa qosyp, sharanany jasandy jetildirý isin qolǵa aldy. Mıy ólgen áıel bul kúıde 54 kún jatqan. Sáýir aıynda ishtegi balaǵa 7 aı tolyp, jetilgen kezde dárigerler jasandy bosandyrý (kesarevo sechenıe) arqyly ómirge ul balanyń kelýine sebep boldy. Mamandardyń aıtýynsha, anasynyń jaǵdaıy sábıdiń densaýlyǵyna aıtarlyqtaı keri áserin tıgizbegen. Búginde jańa týǵan náresteniń jaǵdaıy birqalypty. Qazir bul oqıǵaǵa baılanysty AQSh-ta áleýmettik jeliler arqyly kóptegen pikirler jazylýda. Barlyǵy anasynyń óz ómirin balasyna bergenin aıtyp, sábıge uzaq ómir tileýde. Elaman Qońyr. Derek: belta.by. Sýret: lenta.ru.