Tikushaqpen barlaý barysynda Shúlbi sý elektr stansııasyndaǵy gıdrologııalyq jaǵdaıǵa, kóktemde Ertis pen Ýba ózenderindegi sý deńgeıi kóteriletin qaýipti oryndarǵa den qoıyldy. Muz jarý jumysy júrgizilgen eldi mekender de nazardan tys qalmady.
Aımaq basshysy Borodýlıha aýdanyndaǵy Krasnyı Iаr, Peremenovka aýyldary men Jezkent kenti aýmaǵyndaǵy qar deńgeıin áýeden baqylady. Atalǵan eldi mekender mańynda jyl saıyn muz jarý jumysy júrgiziledi. О́ıtkeni, gıdroqurylymdar jaqyn ornalasqan.
«Búgin ózenderde muz jarý jumysyn júrgizýge daıyndyq barysy da tekserildi. Oblystyń basqa da aýdandaryndaǵy tasqyn qaýpi bar eldi mekenderdi turaqty baqylaýda ustap otyrmyz. Kúndelikti monıtorıng júrgizemiz. Aımaq basshysyna óńirdegi ahýaldy tolyq baıandadym», dedi Abaı oblysy ákiminiń orynbasary Dımıtrıı Garıkov.
Ertis ózeni men eldi mekenderdi tikushaqpen barlaý barysynda qardyń qalyńdyǵy baıqalǵanymen qardyń erýi anyqtalmady. Ertis pen Ýba ózenderinde muz súńgileri joq. Alaıda Ertis ózeniniń Semeı qalasy Holodnyı klıých eldi mekeni aýmaǵynda muz keseginiń jınalýy baıqalady. Eki aýdan men oblys ortalyǵyndaǵy gıdrologııalyq jaǵdaıdy baǵamdaǵan oblys ákimi ózenderdegi sý deńgeıin, óńirdegi barlyq sý bógenderin, sý ótkizý qurylǵylaryn jiti baqylaýda ustaýdy tapsyrdy.
Aldaǵy ýaqytta Besqaraǵaı aýdanynyń Jetijar, Krıvınka aýyldary men Semeı qalasy aýmaǵyndaǵy Ertis ózeninde muz jarý jumystary júrgiziledi. Buǵan qosa, jaqyn arada Besqaraǵaı, Úrjar, Maqanshy, Aqsýat aýdandarynda sý tasqynyna daıyndyq barysy pysyqtalatyn bolady.
