Foto: Kollajdy jasaǵan –Záýresh Smaǵul, «EQ»
Bıyl Qazaqstanǵa qandastardyń jartysynan kóbi (51,9%) – Qytaı Halyq Respýblıkasynan, 37,5% – О́zbekstannan, 7,1% – Túrikmenstannan, 1,8% – Reseıden jáne 1,7% basqa elderden kelgen.
«2025 jylǵy 1 aqpandaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 60,2%-dy, kámeletke tolmaǵandar 32,9%-dy jáne zeınetkerler 6,8%-dy quraıdy. Eńbekke qabiletti jastaǵy qandastardyń ishinen bilim deńgeıi boıynsha 16,7%-y joǵary bilimdi, 32,9%-y orta kásibı bilimdi, 48,4%-y jalpy orta bilimdi, jáne 1,9%-ynyń bilimi joq», dep habarlady Eńbek jáne halyqty áleýmettik qorǵaý mınıstrliginiń baspasóz qyzmeti.
Aıta keteıik, qonystandyrý óńirlerinde 2025 jylǵa arnalǵan qandastardy qabyldaý kvotasy 2 309 adamdy quraǵan. 1 aqpandaǵy jaǵdaı boıynsha qonystandyrý óńirlerine 171 qandas qonys aýdarǵan.
