Foto: Sý resýrstary jáne ırrıgasııa mınıstrliginiń baspasóz qyzmeti
Atalǵan kórsetkish – 208 myńnan astam turǵyny bar 146 eldi mekendi aýyzsýmen qamtý sapasyn jaqsartýǵa jáne 4 aýyldy ortalyqtandyrylǵan aýyzsý júıesine qosýǵa múmkindik bermek.
Vedomstvonyń málimetinshe, 8 ınfraqurylymdyq jobany aıaqtaý nátıjesinde 536 shaqyrym sý qubyry salynady.
Aqmola oblysynda Krasnaıa polıana, Petrıkovka, Arbýzınka aýyldarynda toptyq sý qubyry salynyp jatyr.
Qyzylorda oblysynda Baıqoja toptyq sý qubyry rekonstrýksııadan ótip jatsa, Aral aýdanynda Aral-Sarybulaq toptyq sý qubyryna qosylatyn Qosaman-Aqbasty jelisin salý, al Aqbasty eldi mekenin ortalyqtandyrylǵan sý júıesine qosý jáne Jańaqorǵan aýdanynda Talap toptyq sý qubyrynyń qýatyn arttyrý úshin qosymsha uńǵymalar qazylyp jatyr.
Soltústik Qazaqstan oblysynda Býlaev jáne Esil toptyq sý qubyrlaryn rekonstrýksııadan ótkizý qolǵa alynǵan.
Ulytaý oblysynda Sátbaev qalasy men onyń mańyndaǵy barlyq eldi mekenderdi sapaly aýyzsýmen qamtamasyz etýge múmkindik beretin Esqula toptyq sý qubyrynyń qurylysy aıaqtalýǵa jaqyn.
