Áskerı qyzmet týraly zań qaralady

Bıýro múshe­leri Memleket basshysynyń «Ádi­letti Qazaqstan: zań men tár­tip, ekonomıkalyq ósim, qoǵamdyq optımızm» atty Joldaýyn iske asyrý aıasynda 28 aqpanda «Eńbek adamy – ulttyq ekonomı­kanyń ósýi men el órkendeýi­niń negizi» taqyrybyna arnalǵan parlamenttik tyńdaý ótkizý týraly qaýly qabyldady.

«Prezıdent Qasym-Jomart Toqaev 2025 jyldy Jumysshy maman­dyqtary jyly dep jarııa­laǵany belgili. Bul bastama eńbek adamynyń bedelin arttyrýdy, jas­­­tardy osy salaǵa jumyl­dyrý­dy jáne eńbek naryǵynda sura­nysqa ıe mamandyqtar bo­ıyn­sha bilikti kadrlar daıarlaý­dy kózdeıdi. Sondyqtan kadr tapshy­lyǵyn jáne bul baǵyttaǵy basqa da ózekti máselelerdi jan-jaqty zerdelep, olardy sheshý úshin qajetti sharalar qabyldaý asa mańyzdy», dedi Senat tóraǵasy.

Osy aptada Senat komıtetteri múddeli memlekettik organdardyń qatysýymen ótkizetin is-shara­larda ırrıgasııa júıelerin jańǵyrtý, sý sharýashylyǵyna qajetti kadrlar daıarlaýdy qamta­masyz etý jáne bıologııalyq qaýipsizdik máseleleri qozǵalady.

Sonymen qatar Memleket basshysynyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýyn iske asyrý aıasynda Jol qozǵalysy qaýipsizdigin qamtamasyz etý jáne jol-kólik oqıǵalarynyń aldyn alý máseleleri», sondaı-aq «О́zekti ınstıtýsıonaldyq negizder: memlekettik aýdıtti odan ári damytý» taqyryptaryna arnalǵan eki dóńgelek ústel uıymdastyrylady.

Bıýro otyrysynda beki­tilgen kún tártibine sáıkes palata depýtattary aldaǵy beı­­­senbide «Qazaqstan Res­pýb­lı­­kasynyń Úkimeti men Reseı Fe­de­rasııasynyń Úkimeti ara­syndaǵy Qazaqstan Respýb­lıkasy men Reseı Federa­sııa­synyń birtutas energetıkalyq júıeleriniń qatar jumys isteýin qamtamasyz etý jónindegi sharalar týraly kelisimdi ratıfıkasııalaý týraly», «Birikken Ult­tar Uıymynyń bólýdi baqylaý jónindegi kúshterine (UNDOF) resýrs usynatyn Qazaqstan Respýb­lıkasynyń Úkimeti men Birikken Ulttar Uıymy arasyndaǵy ózara túsinistik týraly memorandýmdy ratıfıkasııalaý týraly» jáne «2024 jylǵy 14 aqpandaǵy Birik­ken Ulttar Uıymynyń bólýdi baqy­laý jónindegi kúshterine (UNDOF) resýrs usynatyn QR Úkimeti men Birikken Ulttar Uıy­my ara­syndaǵy ózara túsinis­tik týraly memorandýmǵa hattar almasý ny­sanyndaǵy kelisim­di ratıfıka­sııalaý týraly» zań­dardy qaraı­dy. Bul qujat­tar atalǵan sala­lardaǵy zańnama­lardy jetil­dirýge arnalǵan.

Buǵan qosa palata otyrysynda senatorlar «Qazaqstan Respýblıkasynyń keıbir zańna­malyq aktilerine rezervtegi áskerı qyzmet jáne jekelegen ortalyq memlekettik organ­dar­dyń fýnksııalaryn qaıta bólý máseleleri boıynsha ózgeris­ter men tolyqtyrýlar engizý» týraly zańdy birinshi oqylym­da qaraıdy. Zań Qarýly Kúsh­ter­di, basqa da áskerler men áske­rı qu­ralymdardy rezerv qı­myl­dary­na daıyn rezervtik kúsh­ter­­men qamtamasyz etý úshin quqyq­­tyq negiz qurý maqsatymen ázirlendi.

Bıýroda osyǵan deıin Máji­listen kelip túsken zańdar jumys úshin Senattyń turaqty komıtetterine bólinip berildi.