Is-sharaǵa Qazaqstan Respýblıkasynyń Memlekettik keńesshisi Erlan Qarın, Mádenıet jáne aqparat vıse-mınıstri Qanat Ysqaqov, Bas múftı Naýryzbaı qajy Taǵanuly, sondaı-aq elimizdiń ár óńirinen kelgen din qyzmetkerleri men ýaǵyzshylar qatysty.
Memlekettik keńesshi jalpyulttyq qundylyqtardy dáripteý turǵysynan bul is-sharanyń mańyzdy ekenine toqtaldy. Atap aıtqanda, qazir qoǵamda birlik pen yntymaq, zań men tártip, ádildik pen jaýapkershilik sııaqty qundylyqtardy nasıhattaýdyń aıryqsha máni bar ekenine nazar aýdardy.
Jıynǵa qatysýshylar dinı aǵartýshylyq qyzmet, eń aldymen, dástúrli qundylyqtar men otbasy ınstıtýtyn dáripteýge, qoǵamdy uıystyrýǵa baǵyttalýy kerek ekenin atap ótti.
Bul forým dinı aǵartý isiniń ózekti máselelerin talqylaý, tájirıbe almasý jáne rýhanı qundylyqtardy ornyqtyrý úshin jańa tásilderdi ázirleýge arnalǵan biregeı alań sanalady.
