Elbasynyń qatysýymen ótetin aldaǵy is-sharalar ańdatpasy

ASTANA. 4 mamyr. Qazaqstan Respýblıkasy Prezıdentiniń baspasóz qyzmeti Memleket basshysynyń qatysýymen ótetin aldaǵy is-sharalar ańdatpasyn jarııalady. Bul týraly akorda.kz habarlady. 5 mamyrda Memleket basshysy Eýropalyq komıssııanyń burynǵy tóraǵasy J.Barrozýdy qabyldaıdy dep josparlanǵan. 6 mamyrda Aqordada memlekettik nagradalar tapsyrý, sondaı-aq, áskerı jáne arnaıy ataqtar berý rásimi ótedi. Sol kúni Otan qorǵaýshylar kúnine arnalǵan saltanatty konsert bolady. 7 mamyrda Astanada áskerı parad ótedi. Memleket basshysy I.Panfılovtyń elordadaǵy eskertkishiniń ashylý rásimine qatysady. Sonymen qatar, Qazaqstanǵa resmı saparmen keletin Qytaı Halyq Respýblıkasynyń tóraǵasy Sı Szınpınmen kelissózder ótkizý josparlanǵan. 8 mamyrda Nursultan Nazarbaev «Otan qorǵaýshylar» monýmentine gúl qoıý rásimine qatysady. Sol kúni Memleket basshysy TMD elderiniń memleket basshylarynyń beıresmı kezdesýine, sondaı-aq, Joǵary Eýrazııalyq ekonomıkalyq keńestiń otyrysyna qatysý úshin Máskeý qalasyna attanady. 9 mamyrda Qazaqstan Prezıdenti Máskeýde Jeńis kúnine arnalǵan merekelik sharalarǵa qatysady. Elaman Qońyr. Derek, sýret: akorda.kz.