Ortaq tarıhty jazý – aýqymdy is

24 aqpanda Ankarada túrki elderiniń tarıhyn jazý bo­ıynsha ortaq akademııalyq jumysty talqylaýǵa arnalǵan halyqaralyq sessııa ótti. Oǵan Túrki memleketteri uıymy­na múshe jáne baqylaýshy elderdiń tarıh jáne arheologııa ınstıtýttarynyń basshylary, sondaı-aq jetekshi tarıhshylar men sarapshylar qatysty. Atap aıtqanda, Túrki akademııasy­­nyń prezıdenti Shahın Mustafaev, Túrki memleketteri uıy­my Aqsaqaldar keńesiniń tóraǵasy Bınalı Iyldyrym, Atatúrik atyndaǵy joǵary keńes tóraǵa­sy Derıa О́rs jáne Túrik tarıh qoǵamynyń prezıdenti Iýksel О́zgen jıyn barysynda óz oılaryn ortaǵa saldy.

Is-sharanyń ashylýynda sóz sóılegen Túrki akademııasynyń basshysy Shahın Mustafaev jobany qoldaǵan barlyq qatysýshyǵa alǵys aıtyp, bul bastamanyń túrki áleminiń ǵylymı ıntegrasııasy úshin mańyzdy ekenin atap ótti. «Bir ǵana memlekettiń tarıhyn jazý ońaı sharýa emes. Al bizdiń aldymyzda tutas halyqtar men memleketterdiń ortaq tarıhyn júıeleý mindeti tur», dedi ol.

Aldymen ujymdyq monogra­fııanyń tujyrym­damalyq negizin qalyptastyrý­dyń mańyz­dylyǵyn atap ótip, akademııalyq eńbektiń qa­­ra­­­paıym oqyrmanǵa, ásirese stý­dent­­­­ter men jas zertteý­shilerge túsi­­­nikti bolýy kerektigin basa aıtty.

Ujymdyq monografııanyń bas­ty maqsaty – túrki álemi tarı­hy­nyń mańyzdy kezeńderin zert­­tep, baýyrlas halyqtardyń ortaq tarı­hı sanasyn qalyptastyrý, jas­tar­­dyń ulttyq maqtanysh sezi­min ny­ǵaı­tý jáne túrki órke­nıe­tiniń baı murasyn halyqaralyq deńgeı­de keńinen tanytý. Kezdesý qory­tyn­dysy boıynsha Túrki akade­mııa­synyń prezıdenti men tarıh jáne arheologııa ınstı­týt­­tary­nyń basshylary túrki el­deri­niń tarı­hy­na arnalǵan aka­de­mııalyq eńbek­ti birlesip ázir­leý­di kózdeıtin ynty­maq­tastyq hattamasyna qol qoıdy.