Eger turyp jatqan úıińiz Home Protect polısi arqyly jer silkinisi qaýpinen saqtandyrylyp tursa, qandaı jaǵdaıda jáne qandaı somada saqtandyrý tólemderin alýǵa bolatyny týraly «Freedom Insurance» SK» AQ Basqarma tóraǵasy Azamat Kerimbaev baıandady.
«Rıhter shkalasy boıynsha saqtandyrý jaǵdaıyna magnıtýdasy 7,5, ıakı odan joǵary jer silkinisi saldarynan múliktiń búlinýi, joǵalýy nemese túgeldeı qıraýy jatady. Biz tolyq qıratyldy dep, múlikti qalpyna keltirý men jóndeý shyǵyndary páter qunynyń 70%-nan asyp ketkende esepteımiz. Demek, bul jóndeýge, turýǵa tipti jaramaı qalǵan úı. Iаǵnı, páterdiń 70%-y qırasa, saqtandyrý kompanııasy tólem jasaıdy. Mysaly, jer silkinisinen keıin páterdiń qabyrǵasynda jaryqshaqtar paıda bolsa, bul saqtandyrý jaǵdaıyna jatpaıdy», deıdi saqtandyrýshy.
Al Home Protect polısi boıynsha jer silkinisi qaýpinen saqtandyrýdyń uqsas basqa ónimderine qaraǵanda, úıdiń tolyq qunyn óteıtinin aıta ketý kerek. Mysaly, páterdiń quny 100 mıllıon bolsa, onda tólem osy soma kóleminde bolady.
Endigi jerde saqtandyrý somasy onlaın qyzmetter negizinde avtomatty túrde esepteledi. Bul ónim tek Almaty qalasynda ornalasqan páterlerge arnalǵan, óıtkeni ońtústik megapolıs eń seısmıkalyq belsendi aımaqtardyń birine jatady. Páterdi tek menshik ıesi ǵana saqtandyra alady.
«Eger sizdiń úıińiz ıpotekaǵa alynǵan bolsa, onda osy polısti satyp alǵan kezde sizge ony rásimdegen bank benefısıar bolady. Iаǵnı, saqtandyrý jaǵdaıy týyndaǵan kezde saqtandyrý tólemin osy bank alady. Barlyq derlik kepildikke qoıylǵan ónimderiniń jumys isteý qaǵıdaty osyndaı – nesıe alǵan kezde múlikti kepildikke qoısańyz, kóbinese bank paıda kórýshi, ıaǵnı saqtandyrý tólemin alýshy bolady. Ataýly ónim boıynsha saqtandyrý tólemin páter ıesi alady. Sondyqtan, eger páterińiz ıpotekaǵa rásimdelgen bolsa, onda bul máseleni bankpen mindetti túrde kelisip alǵan jón», deıdi sarapshy.
Degenmen, saqtandyrýdyń taǵy bir sharty: páter 2011 jyldan keıingi, temirbeton monolıtten salynýy tıis. Bul ónim boıynsha kompanııa rásimdeı alatyn polısterdiń sany shekteýli kórinedi. «Aldaǵy ýaqytta oǵan suranys artatyn bolsa, biz polıster sanyn kóbeıtýdi qarastyramyz», deıdi maman.
Polısti onlaın, kompanııanyń saıtynda rásimdeýge bolady – https://ffins.kz/ru/pages/home-protect. Ol úshin JSN derekteri ǵana qajet. Eger sizdiń atyńyzǵa birneshe páter tirkelgen bolsa, onda turǵyn úı tizimi ekranǵa shyǵady da, saqtandyrǵyńyz keletin páterdi tańdaýyńyz kerek. Ári qaraı turǵyn úıdiń quny anyqtalady, ol qun saqtandyrýshynyń jaýapkershiliginiń lımıti bolyp eseptelinedi. Saqtandyrý syıaqysyn esepteý turǵyn úı qunyna tikeleı baılanysty. Tólemnen keıin saqtandyrý sertıfıkaty poshtaǵa jáne saıttaǵy jeke kabınetke keledi.
«О́tken jyly Almatyda bolǵan jer silkinisinen keıin naryqta saqtandyrýdyń osy túrine suranys bar ekenin túsindik. Biz áreket jasap, joıqyn jer silkinisinen turǵyn úıge keltirilgen shyǵynnyń ornyn toltyra alatyn ónim ázirledik», deıdi Azamat Kerimbaev.
ALMATY
