Ahmetjan Esimov Almaty qalasy ákiminiń qyzmetine usynyldy

ASTANA. 4 mamyr. Búgin Almaty qalalyq máslıhatynyń kezekten tys XXXIX sessııasy ótti. Kún tártibinde qala ákimin taǵaıyndaý máselesi qaraldy. Bul týraly «QazAqparat» habarlady. Sessııaǵa qalalyq máslıhattyń 30 depýtaty qatysty. Al 5 adam belgili sebeptermen qatysa almady. Depýtattar qala ákiminiń laýazymyna Memleket basshysy Nursultan Nazarbaev usynǵan Ahmetjan Esimovtiń kandıdatýrasyn biraýyzdan qoldady. Almaty qalalyq máslıhaty V shaqyrylymynyń hatshysy Qaldybaı Qazanbaev Memleket basshysynyń usynysyn oqyp ótti. «Qurmetti depýttar! Qazaqstan Respýblıkasy Konstıtýsııasynyń 87-babynyn 4-tarmaǵyna sáıkes Almaty qalasy ákimi laýazymyna taǵaıyndaýǵa kelisý úshin Ahmetjan Esimovtiń kandıdatýrasyn usynyp otyrmyn. Ahmetjan Esimov 1950 jyly týǵan. Qazaq aýyl sharýashylyǵy ınstıtýtyn, Qoǵamdyq ǵylymdar akademııasyn bitirgen. Ekonomıka ǵylymdarynyń doktory, memlekettik basqarý organdarynda, dıplomatııa salasyndaǵy basshy laýazymynda mol jumys tájirıbesi bar. Premer-Mınıstrdiń orynbasary, Prezıdent Apparatynyń basshysy, Aýyl sharýashylyǵy mınıstri, Qazaqstannyń Belgııa koroldigindegi ókiletti elshisi qyzmetin atqarǵan. 2008 jyldyń sáýir aıynan Almaty qalasy ákimi qyzmetine taǵaıyndalǵan. Qoldaýlaryńyzdy suraımyn», – delingen Memleket basshysynyń usynysynda. О́z kezeginde depýtattar qalanyń kórkeıip, damýynda, ekonomıkalyq turǵydan nyǵaıýyna Ahmetjan Esimovtiń qosqan úlesi ushan-teńiz ekendigin atap ótti. «О́tkende ǵana 2014 jylǵy damý kórsetkishterimen tanystyq. Almaty qalasynyń jalpy respýblıkalyq JAО́ kórsetkishindegi úlesi 20,7 paıyzdy qurady. Bul kóp nárseden habar beredi. Qala turǵyndarynyń depozıttegi qarjysynyń somasy 2 trln. teńgege jetti. Budan qala halqynyń tabysy artyp kele jatqandyǵyn kóremiz. Maǵan kórsetken senimderińizge rahmet. Bul – tek meniń ǵana eńbegim emes, bir komandanyń birige atqarǵan jumysynyń nátıjesi», – dedi Ahmetjan Esimov. Elaman Qońyr. Derek: «QazAqparat». Sýret: news.headline.kz.