Foto: 24.kz
«Qazaqfılm» aı sońynda birneshe festıvaldiń nátıjesine sáıkes «Ábil» fılminiń shyǵarmashylyq ujymy mindetti túrde quttyqtalatynyn aıtty.
Kınostýdııa «Ábil» fılminiń avtorlarynyń saparyn qarjylandyrý máselesi qaralyp jatqanyn habarlady. Osy taqyryp aıasyndaǵy máseleni sheshý úshin kınostýdııa árdaıym ashyq dıalogqa daıyn ekenin jáne «Ábil» jobasynyń avtorlarymen birneshe ret kezdeskenin málimdedi.
Kınostýdııa fılmderdi ilgeriletýge bólinetin qarajattyń shekteýli bolýyna baılanysty jekemenshik kınokompanııalarmen áriptestik negizde jumys isteıdi.
«Ábil» fılmi boıynsha kınostýdııanyń seriktesi – «Tanarıs» JShS kınokompanııasy. Bul kompanııa fılmdi halyqaralyq kınonaryqtar men kınofestıvalderde tanystyrý jáne ony kommersııalyq satylymǵa shyǵarý boıynsha qarjylyq mindettemelerdi óz moınyna alǵan. Osyǵan oraı, kınostýdııa kelisimshart aıasynda shyǵarmashylyq toptyń saparyn qarjylandyrý úshin «Tanarıs» JShS-ne resmı suranys joldady. Alaıda, qazirgi ýaqytqa deıin atalǵan kınokompanııa jaýap bergen joq. Soǵan qaramastan, «Qazaqfılm» óz múmkindigi sheginde «Ábil» fılmine qoldaý kórsetip, qajetti kómegin usynyp jatyr», delingen habarlamada.
Sonymen qatar jerdi satý nemese «Qazaqfılmdi» qasaqana joıý týraly málimdemelerge de jaýap berildi.
«Bul boljamdardyń barlyǵy shyndyqqa janaspaıtyn, ádeıi burmalanǵan aqparat ekenin málimdeımiz. Mundaı áreketter kınostýdııanyń damý múddelerine qaıshy keledi jáne qazirgi basqarý saıasaty aıasynda qarastyrylmaǵan. 2025 jylǵy 25 aqpanda Almaty qalasy, Ál-Farabı dańǵyly, 176 mekenjaıynda ornalasqan «Qazaqfılm» ǵımaratynyń aldynda ruqsat etilmegen mıtıng ótip, jınalǵandar kınoındýstrııany damytý jónindegi usynystarǵa óz narazylyǵyn bildirgen edi. Kınostýdııa basshylyǵy mıtıngke qatysýshylarǵa túsiniktemeler berip, kelissózder qorytyndysy boıynsha anımasııa salasynyń ókilderimen keńeıtilgen jıyn ótkizý týraly sheshim qabyldandy», delingen jazbada.
«Qazaqanımasııa» ShB-niń Astana qalasyna kóshirý máselesi áli de talqylanyp jatyr.
