Búgin Almaty qalasynyń bas ımamy Tólebı qajy Ospan óńirlik kommýnıkasııalar qyzmeti alańynda: «Ramazan – sabyr, ıgi ister jáne rýhanı kemeldený aıy. Oraza – tek tamaq pen sýdan tyıylý ǵana emes, jan dúnıeni tazartyp, nápsini tárbıeleý», dedi.
Megapolıstiń bas ımamy barlyq meshitterde taraýıh namazdary oqylyp, Quran hatym túsiriletinin eske saldy.
Jamaǵatqa jaıly bolýy úshin Almaty Ortalyq meshitinde «Ramazan shatyryn» ornatý josparlanyp otyr. Onda kún saıyn 450 adamǵa tegin aýyzashar beriledi.
Sonymen qatar, túrli dárister men rýhanı kezdesýler uıymdastyrylady.
Imam kásipkerlerge úndeý tatsap, qasıetti aıdyń qurmetine áleýmettik mańyzy bar taýarlar men azyq-túlik baǵasyn 10%-ǵa arzandatýdy surady. Sonymen qatar, turǵyndarǵa qasıetti aıda alkogol ónimderin satýdan jáne ishýden bas tartý usynyldy.
Aı boıy qala meshitterinde dinı dárister, túsindirý jumystary jáne merekelik sharalar ótedi. Olardyń ishinde rýhanı dástúrlerdi jandandyrýǵa baǵyttalǵan «Jarapazan-Party» baıqaýy da bar.
