Kókshetaýda janarmaı quıý beketine qarashylyq shabýyl jasaldy

ASTANA. 4 mamyr. Kókshetaý qalasyndaǵy janarmaı quıý beketteriniń birine qaraqshylar shabýyl jasady. Betperde kıgen belgisiz ekeý beketke basyp kirip, kassadaǵy aqshany alyp ketken. Alaıda, kóp keshikpeı kúdiktiler qolǵa tústi. Bul týraly newskaz.ru habarlady. Quqyq qorǵaý organdarynyń habarlaýynsha, oqıǵa 2 mamyrda bolǵan. Túnde qaladaǵy «Esil» janarmaı quıý beketine eki er adam basa-kóktep kirip, operatordy uryp-soqqan. Sońynda kassadan aqsha alyp, ketip qalǵan. Qylmys bolǵan jerge ishki ister departamentiniń jetekshileri men uıymdasqan qylmysqa qarsy kúres basqarmasy, prokýratýra jáne krımınaldyq polısııa qyzmetkerleri arnaıy bardy. Tártip saqshylarynyń jedel is-áreketi nátıjesinde eki kúdikti qolǵa tústi. Qazirgi tańda «Tonaý» baby boıynsha qylmystyq is qozǵalyp, sotqa deıingi tergeý amaldary júrgizilýde. Elaman Qońyr. Derek: newskaz.ru. Sýret: gazeta.a42.ru.