Astana qalalyq máslıhaty Jaqsybekovtiń kandıdatýrasyn qoldady

ASTANA. 4 mamyr. Búgin elordada Astana qalasy máslıhaty V shaqyrylymynyń kezekten tys 51-sessııasy ótti. Kún tártibinde elorda ákimin taǵaıyndaý máselesi qaraldy. Bul týraly Astana qalasy ákimdiginiń resmı saıty astana.gov.kz habarlady. Sessııa barysynda máslıhat depýtattary Memleket basshysynyń Astana qalasy ákimi qyzmetine Ádilbek Jaqsybekovti taǵaıyndaý týraly usynysyn biraýyzdan qoldady. «Eń aldymen, kórsetilgen senim úshin alǵys aıtqym keledi. Sondaı-aq, Memleket basshysynyń saılaýdaǵy jeńisimen barshańyzdy quttyqtaımyn. Alda úlken jumystar kútip tur. О́zderińiz biletindeı, Prezıdent bes ınstıtýsıonaldy reformany jarııalady. Olardy júzege asyrý úshin barlyǵymyz birdeı jumylýymyz kerek. Elordanyń kórikti kelbetin odan ári qalyptastyryp, Elbasynyń baǵdarlamalaryn iske asyrýǵa tıispiz, – dedi ákim. Elaman Qońyr. Derek, sýret: astana.gov.kz.