Elbasy «Shell» konserniniń atqarýshy bas dırektory Ben van Berdendi qabyldady

ASTANA. 4 mamyr. Elbasy «Shell» konserniniń atqarýshy bas dırektory Ben van Berdendi qabyldady. Bul týraly akorda.kz habarlady. Kezdesý barysynda kompanııanyń Qazaqstandaǵy jumysy jáne elimizdiń munaı-gaz salasyn damytýǵa qatysý máseleleri talqylandy. Sondaı-aq, yntymaqtastyqtyń túrli ınvestısııalyq jobalardy júzege asyrý máselesin qamtıtyn perspektıvaly baǵyttary da sóz boldy. Taraptar ózara is-qımyl aıasyn odan ári jandandyrý men keńeıtýdiń mańyzdylyǵyn atap ótti. Qazaqstan Prezıdenti kompanııa qyzmetindegi ózgeristerge, onyń «Bı Djı Grýpp» kompanııasymen birigýi josparlanyp otyrǵanyna nazar aýdardy. Nursultan Nazarbaev Qazaqstan ekonomıkasyndaǵy iri ınvestordyń biri retinde «Shell» Qashaǵan kenishin ıgerý jobasynda mańyzdy ról atqaratynyn aıtty. Memleket basshysy kompanııanyń mindettemelerine ózgerister oń yqpal etedi dep úmittenetinin jetkizdi. Ben van Berden Nursultan Nazarbaevty Qazaqstan Prezıdenti laýazymyna qaıta saılanýymen quttyqtap, bul saılaý el úshin ǵana emes, sheteldik ınvestorlar úshin de turaqtylyqtyń aıǵaǵy bolyp sanalatynyn aıtty. Sonymen qatar, «Shell» konserniniń atqarýshy dırektory Memleket basshysynyń byltyr Iаdrolyq qaýipsizdik jónindegi sammıtke qatysý úshin Nıderlandyǵa saparlap barǵanynda oǵan «Prezıdent Nazarbaev» dep atalǵan qyzǵaldaqtyń jańa sorty tanystyrylǵanyn eske saldy. Soǵan oraı Ben van Berden Nursultan Nazarbaevqa Gollandııadan ákelingen osy sorttyń jańa kesilgen gúlin syılady. Elaman Qońyr. Derek, sýret: akorda.kz.