Kórme • 01 Naýryz, 2025

Kóptiń kózaıymyna aınalǵan kórme

40 ret

kórsetildi

1 mın

oqý úshin

Qaradala óńirinde aýyl sharýashylyǵy keń etek alǵan. Eńbekqor sharýalardyń mańdaı̆ terimen ósirilgen ónimderdi elge tanytý, jergilikti kásipkerlerdi qoldaý jáne ulttyq taǵamdardy dáripteý maqsatynda jýyrda Uı̆ǵyr aýdanynda aýyl sharýashylyǵy kórmesi uı̆ymdastyryldy. Kórmege aýdannyń tanymal ári tájirıbeli kásipkerleri men sharýashylyq ıeleri qatysty. Olar taýyq eti, sút ónimderi, bal, jemis-jıdek, qolóner buı̆ymdary, basqa da ónim túrlerin usyndy.

Ulbosyn ISABEK

«Bul kórmeniń maqsaty – ónimderdiń sapasyn kórsetý ǵana emes, sondaı̆-aq aýdandaǵy kásipkerler men sharýa qojalyqtarynyń eńbegin baǵalap, olardyń aýyl sharýashylyǵy salasyna qosqan súbeli úlesin nasıhattaý. Kórme aıasynda jergilikti sharýalardyń tabıǵı ári ekologııalyq taza ónimderi men ulttyq taǵamdardyń tańdaıda bal tatıtyn san alýan túrimen tanysady», deıdi uıymdastyrýshylar.

Kórme qonaqtary aýyldyń naǵyz dámin tatyp qana qoımaı, dala tósin dúbirge bóleıtin tehnıkalardyń da san túrimen tanysty. Kóptiń kózaıymyna aınalǵan kórmede ulttyq taǵamdar men dástúrli ónimderdiń keńinen usynylýy qazaq halqy men baýyrlas ult ókilderiniń baı̆ mádenıetin jáne ashanasyn dáripteı otyryp, halyqtyq ónerge qanyǵýyna mol múmkindik berdi. Mundaı̆ ıgi bastamalar aýyl turǵyndarynyń ál-aýqatyn jaqsartýǵa, bolashaqta aýdannyń aýyl sharýashylyǵy áleýetin arttyrýǵa septigin tıgizeri sózsiz.