Elimizde VIP-nómir sanalatyn memlekettik tirkeý nómirlik belgilerine suranys áli de joǵary. IIM usynǵan aqparatqa súıensek, byltyr qazaqstandyqtar áıdik nómirler alýǵa shamamen 15,8 mlrd teńge jumsaǵan. Birinshi sanattaǵy nómirler eń joǵary suranysqa ıe bolyp qala bergen.
Sandar men áripterdiń biregeı kombınasııasynan quralǵan tirkeý nómirleri avtokólik ıeleri arasynda asa ótimdi. Resmı statıstıka bolmasa da júrgizýshilerdiń kóbi birinshi sanattaǵy nómirlerdi tańdaıtyny baıqalǵan. Olardyń baǵasy 224 myń teńge mólsherinde. Bul sanatqa 010, 020, 030, 040, 050, 060, 070, 077, 080, 090, 707 kombınasııalary engizilgen.
VIP-nómir satyp alýshylar elimizdiń úsh megapolısinde kóp kezdesedi. Máselen, almatylyq júrgizýshiler 4,9 mlrd teńgege «krýtoı nómir» satyp alsa, astanalyqtar 2,5 mlrd teńgege, shymkenttikter 2 mlrd teńgege ádemi nómirler alǵan.
