Sıfrlandyrý jáne memlekettik qyzmetter basqarmasynyń basshysy Dıdar Súleımanovtyń aıtýynsha, «Sergek» jobasy Astanada 2017 jyldan beri iske asyrylǵan.
«Osy jyldyń 13 naýryzynda sharttyń qoldanylý merzimi aıaqtalady. Memleket basshysynyń tapsyrmasy sheńberinde jáne jobany odan ári damytý úshin biz G42 holdıngine kiretin presight halyqaralyq kompanııasymen Astana qalasy úshin jasandy ıntellekt bazasynda qalalyq ınfraqurylymdy basqarý úshin sheshim jobasyn iske asyrý boıynsha jumys júrgizdik. Jańa jobany qalyptastyrý kezinde aǵymdaǵy jobanyń kemshilikteri eskerildi», dedi ol.
Aıta keteıik, jańa kompanııa elordada 10 myń zamanaýı kamera, 502 apparattyq-baǵdarlamalyq keshenderin ornatady, 8 myń kamerany terrorızm qaýpi týyndaýy múmkin nysandarmen (mektep, balabaqsha, áýejaı, vokzal, LRT) ıntegrasııalaıdy, derekterdi óńdeý ortalyǵyn qurady.
Kompanııa vıdeoanalıtıkanyń 50 túrin usynady:
- Rólde kele jatyp telefonmen sóılesýdi anyqtaý;
- Qaýipsizdigin beldigin taqpaý faktisin anyqtaý;
- Bos emes qıylysqa shyǵyp ketýdi anyqtaý;
- Ekinshi jolaqpen burylýdy anyqtaý;
- Ruqsat etilmegen jerde toqtaýdy anyqtaý;
- Transport túrin anyqtaý (jeńil, júk, marka, tús);
- Adamdardyń qulaýyn anyqtaý;
- Tóbelesterdi ańǵarý;
- Qarý-jaraqty baıqaý;
- Ruqsat etilmegen jerde temeki shegýdi anyqtaý jáne t.b.
