«KazEOSat-1» jerserigi elimizdiń menshigine zańdy túrde berildi

ALMATY. 19 maýsym. Qazaqstandyq «KazEOSat-1» jerserigi Gvıanadaǵy (Fransııa) «Kýrý» ǵarysh aılaǵynan 2014 jyldyń 30 sáýirinde eýropalyq «Vega» tasymaldaǵysh zymaranymen ushyrylǵan. Osyǵan baılanysty Týlýzada Airbus Defence and Space kompanııasy men qazaqstandyq «Qazaqstan Ǵarysh Sapary» UK AQ JQZ ǵarysh júıesin menshikke berý quqyǵy sertıfıkatyna qol qoıdy. Bul týraly «Qazǵarysh» baspasóz qyzmeti habarlady. Aldymen Fransııanyń Týlýza qalasynda shtattyq paıdalaný úshin «KazEOSat-1» Jerdi qashyqtyqtan zondtaý ǵarysh apparatynyń resmı qabyldaýy boldy. Menshik quqyǵyn alǵannan keıin «Qazaqstan Ǵarysh Sapary» UK» AQ óziniń aktıvterin ulǵaıtady jáne «KazEOSat-1» spýtnıgin kommersııalyq paıdalanýǵa kirisedi. Endi Qazaqstan Respýblıkasy ózindik JQZ ǵarysh júıesiniń paıda bolýy ǵaryshtyq monıtorıngileý jáne boljaý salasyndaǵy eń aldyńǵy tájirıbeni paıdalaý múmkindigine ıe bolady. «KazEOSat-2» jerserigi Qazaqstan Respýblıkasynyń aýmaǵynda túsirilimder  jasaýǵa, sondaı-aq tabıǵı apattardyń aldyn alýǵa, jer kadastryn júrgizýge, elimizdiń qorǵanysy men qaýipsizdigin qamtamasyz etý úshin kartografııalaý, Jerdiń basqa da ýchaskelerin monıtorıngileý maqsatyna baǵyttalǵan. Talǵat Súıinbaı. Derek: «Qazǵarysh» baspasóz qyzmeti. Sýret: 24.kz.