Soltústik Qazaqstan sý qoımalaryna 100 mıllıon ýyldyryq jiberiledi

PETROPAVL. 4 mamyr. Soltústik Qazaqstan sý qoımalaryna  sıg, tuqy, taban balyqtarynyń 100  mıllıonǵa jýyq ýyldyryǵyn jiberý  úshin memlekettik qazynadan 54 mıllıon teńge qarajat qarastyryldy. Bul týraly  orman sharýashylyǵy jáne janýarlar álemin qorǵaý aýmaqtyq ınspeksııanyń mamandary habarlady. Mundaı tájirıbe óńirde alǵash ret qoldanylyp otyr.  «Petropavl balyq pıtomnıgi»  kommýnaldyq kásipornynyń qyzmetkerleri  ýyldyryqtardy  6 aı boıy arnaıy  «veıs» apparattarda ósirip, ınkýbasııalyq  talaptar múltiksiz oryndalǵan. «70 polıetılen qaptarǵa salynǵan ýyldyryqtardyń  alǵashqy partııasy Qyzyljar aýdanyna qarasty  Novokamenka  mańyndaǵy sý toǵandaryna jiberýge  jóneltildi.  Taıaý kúnderi Sergeevka sý qoımasyna 48 mıllıondaı ýyldyryq shashý josparlanǵan.   Balyqtandyrý isimen kúzge deıin  aınalysatyn bolamyz»,– deıdi  «Petropavl balyq  pıtomnıgi» RMKK-niń dırektory Erjan Jumabaev. Mamandardyń aıtýynsha,  kúzge salym sıg ýyldyryqtarynyń salmaǵy 150 grammǵa,  uzyndyǵy 25 santımetrge jetetin bolady. О́mir Esqalı. Derek: Soltústik Qazaqstan oblystyq orman sharýashylyǵy jáne janýarlar álemin qorǵaý aýmaqtyq ınspeksııasy. Sýret: egemen.kz