Foto: N. Baıbýllın
Onda «Qazaqstan Respýblıkasy men Qatar Memleketi arasyndaǵy qylmystyq ister boıynsha ózara quqyqtyq kómek týraly kelisimdi ratıfıkasııalaý týraly» jáne «Qazaqstan Respýblıkasy men Qatar Memleketi arasyndaǵy ustap berý týraly kelisimdi ratıfıkasııalaý týraly» zańdar qaraldy.
Bul zańdar Qazaqstan men Qatar arasyndaǵy quqyqtyq yntymaqtastyqty nyǵaıtýǵa jáne qylmystyq ister boıynsha ózara tıimdi is-qımyldy qamtamasyz etýge baǵyttalǵan. 2024 jylǵy 14 aqpanda Dohada qol qoıylǵan kelisimder izdeýde júrgen adamdardy ustap berý tártibi men quqyq qorǵaý organdary arasyndaǵy ózara is-qımyl tetikterin retteıdi. Qujattarda ekstradısııalaýdan bas tartý negizderi qarastyrylǵan, onyń ishinde qylmystyń saıası sıpaty bolýy, qylmystyq qýdalaý merziminiń ótýi nemese izdeýdegi adamdy azaptaý ne qatygezdik qaýpiniń týyndaýy sııaqty jaǵdaılar eskerilgen. Kelisimder sondaı-aq aqparat jáne dálelder almasý, tergeý amaldaryn júrgizý, ustalǵan adamdardy ýaqytsha berý, qujattardy tapsyrý, tintý jáne múlikti tárkileý rásimderin qamtıdy.
Otyrys barysynda bul kelisimderdi ratıfıkasııalaý Qazaqstan men Qatardyń quzyretti organdary arasyndaǵy qylmysqa qarsy is-qımyl yntymaqtastyǵyn arttyrýǵa, sondaı-aq ekijaqty qarym-qatynastardy nyǵaıtýǵa múmkindik beretini atap ótildi. Sonymen qatar, olardy júzege asyrý qosymsha bıýdjet shyǵynyn qajet etpeıdi. Talqylaý qorytyndysy boıynsha zańdardy Palata otyrysynda qaraýǵa jiberý týraly sheshim qabyldandy.
