Is-sharany uıymdastyrýshylar – Qarýly kúshterdiń Ulttyq áskerı-patrıottyq ortalyǵy, Qorǵanys mınıstrliginiń Sport komıteti jáne «Jas sarbaz» respýblıkalyq balalar-jasóspirimder qozǵalysy.
Jas sportshylar shańǵy tebý, pnevmatıkalyq vıntovkadan atý, beltemirge tartylý (uldar), deneni shalqasynan jatyp kóterý (qyzdar) jarystarynda baq synasty.
Jarys qorytyndysyna sáıkes komandalyq esepte Soltústik Qazaqstan oblysynyń quramasy birinshi oryn ıegeri atandy. Ekinshi oryndy Almaty qalasynyń komandasy, al úshinshi oryndy Aqmola oblysynyń sportshylary ıelendi.
Jeńimpazdar men júldegerlerdi belgili sportshylar – aýyr atlet Jasulan Qydyrbaev pen Qazaqstan tarıhynda qyzdar arasynda MMA boıynsha tuńǵysh chempıon Móldir Áshirbekova quttyqtady.
Saltanatty shara Ulttyq áskerı-patrıottyq ortalyq Almaty fılıaly men «Jas sarbaz» balalar stýdııasy shyǵarmashylyq ujymynyń konsertimen aıaqtaldy.
