PETROPAVL. 4 mamyr. Oblys ortalyǵyndaǵy Jeńis saıabaǵyn qalpyna keltirý jumystary aıasynda oltústikqazaqstandyq Keńes Odaǵy Batyrlarynyń esimderi jazylǵan pılon men elimizdi nemis basqynshylarynan azat etýshi jaýyngerlerdiń jıyndyq obrazyn beıneleıtin eńseli eskertkish ornatyldy. Bul týraly qalalyq ákimdiktiń baspasóz qyzmeti habarlady.
Bul sharalar Jeńistiń 70 jyldyǵy qarsańynda oblys ákimi Erik Sultanovtyń tapsyrmasy boıynsha atqarylýda. Saıabaq Jeńistiń 40 jyldyǵynda ashylǵanymen, kóp jyldar boıy kútimsiz qalǵan bolatyn. 2010 jyly saıabaqtyń ortalyq alleıasy kúrdeli jóndeýden ótse, bıyl jerles batyrlarymyzdyń Dańq alleıasy quryldy. Aqparattyq pılondarǵa 66 soltústikqazaqstandyq qaharmannyń esimderi jazyldy. Sondaı-aq Máskeý, Kýrs ıini, Lenıngrad qorǵanysy, Eýropa elderin azat etý, Berlındi basyp alý oqıǵalaryna baılanysty basty joryqtar men shaıqastar tizbegi kórsetilgen.
Al, Jeńis saıabaǵynda azat etýshi jaýyngerge arnalǵan eskertkishtiń bıiktigi 4,5 metr, salmaǵy 3 tonnaǵa jýyq. Avtory – jergilikti músinshi Svetlana Brıýtova.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
