Foto: gov.kz
Keshendi jospardaǵy is-sharalardy qarjylandyrý máselesi sheshilýde. Mınıstrliktiń 2025 jylǵy damý bıýdjeti ótken jylmen salystyrǵanda 70%-dan astam ulǵaıdy. Osyǵan qosa salaǵa bıýdjetten tys qarajat tartý boıynsha jumys júrgizilip jatyr. Islam damý bankimen qaryz berý týraly ýaǵdalastyqqa qol jetkizildi.
«Osyǵan baılanysty bul qarajattyń tolyq ári tıimdi ıgerilýin erekshe baqylaýǵa alýdy tapsyramyn», dedi vıse-premer.
Sonymen qatar vıse-premer jóndeýdi qajet etetin apatty gıdrotehnıkalyq qurylystarǵa (GTQ) nazar aýdardy.
«Yqtımal qaýipterdi eskere otyryp, bul másele – qoǵamnyń, onyń ishinde depýtattardyń erekshe nazarynda. Apatty gıdrotehnıkalyq qurylystardyń qazirgi jaǵdaıyn jaqsartý úshin qajetti jobalyq qujattamany ázirlep, qarjylandyrý kózderin anyqtaý boıynsha shuǵyl sharalar qabyldaýdy tapsyramyn», dedi Q.Bozymbaev.
Prezıdenttiń «Qazsýshar» memlekettik kásipornyn transformasııalaý jónindegi tapsyrmasyn oryndaý aıasynda toptyq sý qubyrlary jelisin kommýnaldyq menshik teńgerimine berý úderisin jedeldetý qajet.
Mınıstrlik jumysynyń mańyzdy baǵyttarynyń biri – transshekaralyq yntymaqtastyq.
Ortalyq Azııa baǵytynda Qazaqstan men О́zbekstan úkimetteri arasyndaǵy transshekaralyq sý aǵynynyń rejimderin aıqyndaıtyn tıisti kelisimderdi ázirleýge erekshe nazar aýdarý qajet.
«Kelisimdi jańartý boıynsha osyndaı jumysty Qyrǵyzstan baǵytynda da júrgizý kerek. Sonymen qatar Qazaqstan men Reseı aýmaǵyndaǵy sý qoımalarynyń jumys rejimderin túzetý boıynsha aldyn ala sharalar qabyldaý úshin Reseı tarapymen jedel jumysty jalǵastyrýdy tapsyramyn. Qytaı tarapymen birneshe jyldan beri sheshilmeı kele jatqan birqatar másele bar. Qysqasha aıtqanda, bıyl mınıstrlikke sý dıplomatııasyna jańa serpin berý qajet», dedi vıse-premer.
Elimizdiń batys óńirlerin aýyzsýmen qamtamasyz etý máselesine erekshe nazar aýdaryldy.
«Bul baǵytta biz Aqtóbe oblysyndaǵy Kókjıde jáne Aıshýaq jerasty sýlary ken oryndarynyń iske asyrylmaǵan áleýetine ıe bolyp otyrmyz. Osy jobany iske asyrýdyń kútiletin áseri aıtarlyqtaı seziledi. Osyǵan baılanysty jobany júzege asyrýdyń yqtımal tetikterin jedel pysyqtap, Úkimetke tıisti usynystar engizýdi tapsyramyn», dedi Q.Bozymbaev vedomstvo basshylyǵyna.
