Oblystyq mádenıet basqarmasynyń bastamasymen ashylyp otyrǵan aımaǵymyzdaǵy alǵashqy aqyndar mektebi aıtys ónerine den qoıǵan daryndy jastardyń basyn qosyp, baǵyt-baǵdar berip, talanttaryn shyńdamaq. Qazaq aıtysynyń qara nary, aqyn, qoǵam qaıratkeri Júrsin Erman bastaǵan el aǵalary Aqyndar mektebiniń tusaýyn kesip, jas talanttardy aıtys ónerine baýlıtyn mektep jumysyna sáttilik tiledi. Saltanatty jıynǵa Arqa tórinen, Alataý baýraıynan, shejireli Semeı óńirinen kelgen esimderi respýblıkaǵa tanymal Amanjol Áltaı, Serikzat Dúısenǵazy, Janarbek Áshimjan, Dáýlet Smetov, talaı dúbirli aıtys dodalarynda oblysymyzdyń qanjyǵasyn maılaǵan jerlesterimiz Abash Kákenov, Serik Qusanbaev syndy aqyn aǵalarymyz ben Aqtan aqynnyń urpaqtary, zııaly qaýym ókilderi qatysty.
A.S. Pýshkın atyndaǵy Shyǵys Qazaqstan oblystyq kitaphanasynda ashylǵan aqyndar mektebine demeýshilik jasaǵan Erjan Nurbaev bastaǵan Aqtan aqynnyń urpaqtary.
Bul ıgilikti shara «Qarasózdiń qarageri Qalıhan» atty dúbirli respýblıkalyq aqyndar aıtysymen, jaz aılarynda Qalıhan men Dıdahmettiń týǵan jeri Katonqaraǵaı aýdanynda ótetin aýqymdy respýblıkalyq sharalarmen jalǵaspaq.
Jastardyń jyr kókjıegin keńeıtip, jańa esimderdiń qalyptasýyna jol ashatyn bul mektep – Shyǵystaǵy rýhanı ortanyń jańa tynysy.
