- Qazirde FIFA 2030 jyly ótetin álem chempıonatyna qatysatyn komandalardyń sanyn 48-den 64-ke deıin jetkizý máselesin oılastyryp jatyr. Bul usynys Ýrýgvaı fýtbol federasııasynan tústi. Esterińizde bolsa, dál sol memlekette osydan týra bir ǵasyr buryn, ıaǵnı 1930 jyly atalǵan dop dodasy tuńǵysh ret uıymdastyrylǵan bolatyn. Sol mereıli dataǵa oraı ýrýgvaılyqtar FIFA-ǵa joǵarydaǵydaı usynyspen shyqty.
- WBC uıymy kásipqoı bokstan ótetin Gran-prı týrnıriniń jańa nusqasyn usynyp otyr. Soǵan saı 41 memleketten kelgen 128 bylǵary qolǵap sheberi bes aı boıy bir-birimen judyryqtasyp, myqtylardy anyqtaıdy. Bul jarystyń kestesi mynadaı: 1/16 fınal – sáýirde (64 kezdesý), 1/8 fınal – maýsymda (32 kezdesý), 1/4 fınal – tamyzda (16 kezdesý), jartylaı fınal – qazanda (8 kezdesý), fınal – jeltoqsanda (4 kezdesý). Elimizden bul jobaǵa Joldas Jeńisov (7-0, 3 KO), Nurqanat Raıys (1-0, 0 KO), Sanatáli Tóltaev (2-0, 1 KO) qatysady.
- VTB lıgasynda óner kórsetip júrgen «Astana» kezekti týr oıynyn Permniń «Parmasyna» qarsy ótkizdi. Jerlesterimiz bul joly da jeńilistiń kermek dámin tatty. Esep – 106:73 (21:18, 21:11, 32:24, 32:20).
- Mıhaıl Kýkýshkın AQSh-tyń Fenıksinde ótip jatqan ATR týrnıriniń negizgi bóligine joldama aldy. Irikteý saıystarynda ol amerıkalyq Mıtchella Krıýger men slovakııalyq Bort Artnaktan basym tústi. Aleksandr Shevchenko osy jarystyń alǵashqy aınalymynan asa almady. Jerlesimiz jergilikti tennısshi Kolton Smıtten jeńildi.
- Italııanyń Padýıa qalasynda semserlesýden erler arasyndaǵy álem kýboginiń kezeńi aıaqtaldy. О́kinishke qaraı, elimizdiń quramasy bul jarysta sátsiz óner kórsetti. Jekeleı synda Artem Sarkısıan 91-orynǵa ıe bolsa, Baqdáýlet Quralbekuly 95-oryndy qanaǵat tutty. О́zge jerlesterimizdiń nátıjesi odan da tómen. Komandalyq saıysta komandamyz 18-orynda qalyp qoıdy.
