Sýret: kapital.kz
Ulttyq kásipkerler palatasynyń basqarma tóraǵasy Raıymbek Batalov negizgi salalardaǵy basym baǵyttardy damytý strategııalarynyń álsizdigin aıtty.
«Basym baǵyttardy damytý ortalyq memlekettik organdardyń, jergilikti atqarýshy organdardyń, damý ınstıtýttary qoldaý quraldarynyń sınergııasyn qamtamasyz ete otyryp, keshendi túrde júzege asyrylýǵa tıis. Memlekettik baǵdarlamalar maqsattardy jarııalap qana qoımaı, sonymen qatar bıznesti ashýǵa jaǵdaı jasaýdan bastap, túpkilikti ónimdi naryqqa shyǵarýǵa deıingi búkil óndiristik sıkldi qamtýy mańyzdy», dedi Raıymbek Batalov.
Osy máselelerge jaýap retinde «Atameken» UKP strategııa men iske asyrý arasyndaǵy alshaqtyqty joıýǵa jáne memlekettiń tolyq qatysýyn qamtamasyz etýge múmkindik beretin tásildi ázirledi. Aıtýynsha, memleket ekonomıkaǵa orasan zor qarajat – 11 trln teńgeden astam qarjy quıýdy josparlap otyr. Bul qarajatty tıimdi paıdalaný úshin ol salalyq klasterlerdi damytýdyń jańa tujyrymdamasyn usyndy. Usynylyp otyrǵan model – jumys istep turǵan óndiristerdi damytý men jańalaryn qurýdyń búkil tizbegin ashyq etetin sıfrlyq ekojúıe.
«Qazaqstan qor bırjasy» (KASE) tóraǵasynyń orynbasary Dana Amanjolova sıfrlandyrý, IPO-ny jandandyrý jáne «jasyl» tehnologııalarǵa ınvestısııanyń ósýi sııaqty álemdik trendterdi atap ótti. Bırja 1,6 mlrd dollar somaǵa ESG-oblıgasııalardyń 30 shyǵarylymyn tirkegen, sondaı-aq ornyqty damý boıynsha bilim berý bastamalaryn engizgen. 2024 jyly KASE Index 33% ósim kórsetti, al saýda-sattyqtyń jalpy kólemi
261,5 trln teńgege jetti, bul bırjalyq naryqtyń serpindi damýyn kórsetedi.
Sammıt barysynda krıptovalıýta úrdisi de sóz boldy. Turaqsyzdyǵyna qaramastan, aktıvterdiń bul klasy qarqyndy damýyn jalǵastyryp jatyr. Ádilgereı Namazbaev («EA Group») atap ótkendeı, sońǵy 12 jylda krıptovalıýta sany 66 ese ósti. Budan basqa, krıptoaktıvterdi kapıtaldandyrý boıynsha 10 iri kompanııanyń 9-y keıingi bes jylda joǵary qubylmalylyǵyna qaramastan turaqty ósimdi kórsetti. Maksım Baryshev pen «Ýchet.kz» komandasy salyq júıesin jeńildetýdi jáne bıznesti yntalandyrýdy usynatyn balamaly «Halyqtyq salyq kodeksin» usyndy. Basty ıdeıa – kásipkerlerge tańdaý erkindigin berý jáne bıýrokratııany azaıtý, bul 2029 jylǵa qaraı salyqty kótermeı, IJО́-niń 450 mlrd dollaryna jetýge múmkindik beredi.
Sammıt sońynda «Qarjy sektory», «Iri jáne orta bıznes» jáne «Shaǵyn bıznes» atalymdary boıynsha jeńimpazdar anyqtalyp, «Beeline Kazakhstan» kompanııasynyń bas qarjy dırektory Gaýhar Ádilova, «Lotte» AQ qarjy dırektory Marat Nurǵazıev, «RG Brands Kazakhstan» qarjy dırektory Tımýr Janǵojanovtar «The Best CFO – 2025» júldesine laıyq dep tanyldy.
