Naýryznama onkúndigine sáıkes, «Qaıyrymdylyq kúni» ózara syılastyq pen tatý kórshilik taqyrybyna arnalǵan. Bul kúni el aýmaǵynda adamgershilik qundylyqtardy nyǵaıtýǵa baǵyttalǵan, janashyrlyq, meıirimdilik, izgilik sııaqty asyl qasıetterdi tý etken qaıyrymdylyq sharalary ótedi. Ádette adamdar jetim-jesirge, muqtaj jandarǵa qaıyrymdylyq kómek kórsetip, qoldaý bildiredi.
Esterińizge sala ketsek, byltyr prezıdent Qasym-Jomart Toqaevtyń bastamasymen Naýryz meıramyn toılaýdyń jańa formaty – Naýryznama onkúndigi engizilip, merekeniń jańa logotıpi bekitilgen. Ulystyń uly kúnin jańa formatta toılaý kóneden tamyr tartqan merekeniń maǵynasyn tereńdetip, mánin asha túspek. Halqymyzdyń mádenı murasyna aınalǵan Naýryz meıramyn toılaý 14-23 naýryz aralyǵynda jalǵasady.
14 naýryz – «Kórisý kúni – Amal merekesi». Bul kúni adamdar bir-birimen emen-jarqyn qaýyshyp, izgi tilekterin aıtady.
15 naýryz – «Qaıyrymdylyq kúni». Bul kúni janashyrlyq pen ózara qol ushyn berý qundylyqtaryn qalyptastyrýǵa baǵyttalǵan jappaı qaıyrymdylyq sharalary ótedi.
16 naýryz – «Mádenıet jáne ulttyq salt-dástúr kúni». Bul kún mádenı murany, ónerdi jáne ulttyq salt-dástúrlerdi nasıhattaýǵa arnalǵan.
17 naýryz – «Shańyraq kúni». Bul kúni úlgili otbasylarǵa, adamgershilik tárbıe máselelerine arnalǵan is-sharalar ótedi.
18 naýryz – «Ulttyq kıim kúni». Bul kúni stıldendirilgen sán kórsetilimderi men festıvaldar ótedi.
19 naýryz – «Jańarý kúni». Bul kúni kóktemgi aǵash otyrǵyzý dástúri jalǵasyn tabady.
20 naýryz – «Ulttyq sport kúni». Bul kúni ulttyq sport túrlerinen jarystar men týrnırler ótedi.
21 naýryz – «Yntymaq kúni». Bul kún Qazaqstan halqynyń beıbitshiligi men birligin beıneleıdi.
22 naýryz – «Jyl basy». Bul kúnniń onyń aıasynda buqaralyq is-sharalar men halyqtyq merekeler ótedi.
23 naýryz – «Tazarý kúni». Sý kózderin arshyp, aýlalardy qardan jáne qoqystan tazalaý boıynsha jappaı is-sharalar ótedi.
