Foto: Oqu-agartu ministrligi
Sáýir aıynan bastap oqýshylardyń kásiptik baǵdarlanýy boıynsha orta bilim berý pedagogteriniń biliktilikterin arttyrý kýrstary bastalady. 2025 jyly 805 pedagogti oqytý josparlanyp otyr.
Kýrstar sheńberinde olardyń kásibı jáne tulǵalyq qasıetterin damyta otyryp, zamanaýı álemdik tendensııalardy zertteýine, kásiptik baǵdar berýdiń túrli ádisteri men formattaryn ıgerýine múmkindik beriledi. Baǵdarlamada praktıkalyq sabaqtar, talqylaýlar, keısterdi taldaý jáne kóshpeli semınarlar qamtylady.
«Kásiptik baǵdarlaýdyń negizgi mindetteriniń biri – joǵary synyp oqýshylarynyń ártúrli kásipter týraly aqparatty synı turǵydan qabyldaýy men taldaý daǵdylaryn qalyptastyrý. Bolashaq mamandyqty sanaly túrde tańdaý oqýshylarǵa akademııalyq úlgerimdi arttyrýǵa kómektesedi. Sonymen qatar kásiptik baǵdarlaý oıyndary, sheberlik synyptary men trenıngter oqýshylardyń kommýnıkatıvti, analıtıkalyq jáne shyǵarmashylyq daǵdylaryn damytýǵa múmkindik beretin suranysqa ıe quraldarǵa aınalyp otyr. Osy ádisterdiń barlyǵyn pedagogter kýrs sheńberińnde úırenedi», dep atap ótti «О́rleý» basqarmasynyń tóraǵasy Aıdana Shılıbekova.
Oqytýǵa otandyq jáne halyqaralyq jetekshi sarapshylar qatysady. Kýrs baǵdarlamasy 3 aptaǵa arnalǵan, sodan keıin muǵalimder biliktilikti arttyrý sertıfıkattaryn alady. Ol jyl sońyna deıin iske asyrylatyn bolady.
