Foto: Joǵarǵy Sot
Is-sharaǵa oblys ákiminiń birinshi orynbasary Marat Tasmaǵanbetov, sýdıalar, oblystyń quqyq qorǵaý organdarynyń birinshi basshylary jáne Sot ákimshiligi departamentiniń ókilderi qatysty.
A.Merǵalıev S.Ǵabdýlınniń 25 jyldyq sýdıalyq ótilin, onyń 17 jylyn birinshi satydaǵy sottarda atqarǵanyn atap ótti.
Tóraǵa S.Ǵabdýlınniń kásibı biliktiligin, sot júıesindegi kóp jylǵy tájirıbesi men bedelin sot tóreligin júzege asyrý sapasyn qamtamasyz etýge, zań ústemdigin nyǵaıtýǵa jáne sotqa degen senimdi arttyrýǵa jumsaıtynyna senim bildirdi.
Soltústik Qazaqstan oblystyq sotynyń tóraǵasy bolyp taǵaıyndalǵan Serikjan Jáleluly Ǵabdýlın 1970 jyly Túmen oblysynda (Reseı Federasııasy) dúnıege kelgen.
1996 jyly Omby memlekettik ýnıversıtetiniń zań fakýltetin bitirgen.
1993-1999 jyldary ishki ister jáne prokýratýra organdarynda qyzmet ettken.
1999 - 2013 jyldary – Petropavl qalalyq sotynyń sýdıasy, tóraǵasy bolǵan.
2013–2016 jyldary – Soltústik Qazaqstan oblysy Aqqaıyń aýdandyq sotynyń tóraǵasy, 2016–2020 jyldary – Soltústik Qazaqstan oblystyq sotynyń sýdıasy qyzmetin atqarǵan.
2020 jyldan osy qyzmetke taǵaıyndalǵanǵa deıin Aqmola oblystyq sotynyń azamattyq ister jónindegi sot alqasynyń tóraǵasy laýazymynda bolǵan.
