Depýtattyń aıtýynsha bul tek qurǵaq sıfrlar emes.
Birinshiden sheshimniń artynda naqty adamdar tur, olar óz tájirıbesinde ádildiktiń bar ekenin jáne memleket onyń qalpyna keltirý úshin shyn máninde kúresip jatqanyn dáleldedi.
Ekinshiden, qoǵamdyq sanasynda jáne saıası tájirıbede jerdiń satylmaıtyny týraly túsinik ornyǵyp jatyr. Prezıdent atap ótkendeı, «jer – bizdiń basty baılyǵymyz. Onsyz bizdiń memleket te bolmaıdy».
Úshinshiden, jer memleket menshigine qaıtarylyp, tek zańdy túrde bólinip berilýde.
Tórtinshiden, jer taqyrybynda saıası upaı jınap, halyqtyń senimin alýǵa jáne ony monetızasııalaýǵa tyrysqan túrli popýlıster men psevdoaktıvıster áshkerelendi.
«Iri kompanııalar men kásiporyndardyń múddeleri birneshe onjyldyqtar boıy qoǵamdyq jáne memlekettik múddelerden joǵary boldy. Olarǵa zańdar jazyldy, strategııalyq aktıvter — sý qoımalary, jerler, jylý elektr stansııalary men GRES, resýrstar men jer qoınaýy ótti. Bul — álsiz memlekettiń belgileri edi. Osy jerde áıgili barlyǵy teń, biraq keıbireýler teńderden teń, degen frazany eske túsirýge bolady. Bul eski tártipterdiń mánin óte dál beredi. Baqytymyzǵa oraı, bizdiń el úshin olar ótkende qaldy. Endi birinshi orynǵa zań men tártip keldi. Men zańger retinde aıta alamyn, bul eki qaǵıda — kez kelgen quqyqtyq memlekettiń negizi. Olar absolıýtti jáne ádildiktiń ólshemi bolyp tabylady», dedi depýtat.
Ol sondaı-aq jaqynda ótken Ulttyq Quryltaıda Memleket basshysynyń kóptegen elderge halyqaralyq uıymdardyń týy astynda jalǵan demokratııalyq qundylyqtar tańylyp kelgenin aıtqanyna toqtaldy.
«Bul uıymdar mıllıardtap kelisimsharttar alǵan, olardy esh jerde jarııalamaı, óz múddelerinde erkin paıdalanyp keledi. Lıberaldy qundylyqtar men «demokratııalyq maqsattarǵa» silteme jasap, keıbir qazaqstandyq uıymdar, belsendiler men quqyq qorǵaýshylar halyqaralyq qorlardyń aqshasyna elimizdegi kez kelgen oń ózgeristerdi synap, Qazaqstan árqashan úshinshi álem elderiniń biri bolyp qalady, ıaǵnı «banandyq respýblıka» dep pikir taratyp otyrdy. Budan bólek, bul úkimettik emes qorlar men uıymdar ishki isterimizge ashyq aralasyp, júıeli túrde aqparattyq shabýyldar uıymdastyryp, halyqty adastyrý maqsatynda popýlıstik urandarmen «progress pen demokratııa úshin» dep jasyryn naýqandar júrgizdi. Biz barlyǵymyz aıqyn túsinýimiz kerek, elimizdegi barlyq mańyzdy reformalardyń negizi — zań men tártiptiń ústemdigin múltiksiz saqtaý bolyp tabylady», dedi Baqytjan Bazarbek.
Depýtat qoǵamda ózekti, qordalanǵan jáne áli de bolsa da sheshimin tappaı júrgen máseleler jetkilikti ekenin atap ótti.
«Biz sottardy reformalaý týraly zańdy qabyldap, Joǵarǵy sottan derbes azamattyq, qylmystyq jáne ákimshilik ister boıynsha kassasııalyq sottardy qurdyq. Biraq sottardyń zańdy kúshine engen sheshimderi oryndalmaı keledi. Sebebi barlyqtaryńyzǵa belgili. Ol úshin áli de zańnamany jetildirýimiz qajet, kem tustaryn qoǵamnyń búgingi suranystaryna saı ózgertý mańyzdy. Halyqpen keshendi túrde júrgizilip jatqan quqyqtyq reformanyń joqtyǵy, quqyqtyq nıgılızm men adamdardyń sana seziminde zańdy aınalyp ótý, zańǵa baǵynbaý, zańnyń jetilmegen tustary men kemshiligin óz jeke paıdasyna beıimdeý sııaqty is áreketter jıilep ketti. Biraq búgingi Parlament depýtattary mundaı qısynsyz áreketterdiń tamyryna balta shaýyp keledi. Prezıdentimiz aıtqandaı, «biz nadandyq pen eskilikke, radıkalızm men masyldyqqa, toǵysharlyqqa jáne sybaılas jemqorlyqqa tabandy túrde qarsy turamyz». Iаǵnı bárimiz birge elimizdegi naqty ózgeristerge degen jurtshylyq senimin nyq ornyqtyramyz.Osylaısha halqymyzdyń quqyqtyq mádenıetin, zańdyq áleýetin arttyramyz», dedi depýtat.
