KMF uzaq jyldar boıy mıkroqarjylyq sektordyń kóshbasshysy boldy. Nelikten kompanııa ekinshi deńgeıli bankke aınalý týraly sheshim qabyldady?
— Rasymen de, KMF Qazaqstandaǵy eń iri mıkroqarjylyq uıym jáne naryqtaǵy pozısııasy da myqty. Biz 27 jyldan astam ýaqyt ishinde klıentterdiń, halyqaralyq seriktester men ınvestorlardyń senimine ıe boldyq.
Bizdiń senimdiligimiz ben tıimdiligimiz jetekshi halyqaralyq ınstıtýttarmen rastalady. Biz EQDB, IFC (Dúnıejúzilik bank), ADB, EIB jáne basqa da iri qarjy ınstıtýttarynan ınvestısııalar tartamyz. Bul kásipkerler men aýyl turǵyndaryna qoldaý kórsetýdiń aýqymyn keńeıtýge múmkindik beredi.
KMF – Qazaqstannyń mıkroqarjy uıymdary qaýymdastyǵy (QMUQ) múshesi jáne BUU-nyń Jahandyq shartyna qatysýshy, turaqty damýdyń úzdik álemdik standarttaryn ustanady. Bizdiń B+ deńgeıindegi nesıe reıtıngimiz qarjylyq turaqtylyǵymyz ben seriktesterdiń senimin kórsetedi.
Alaıda, ýaqyt óte kele biz klıentterimizge tek shaǵyn nesıe alýdan bólek, basqa da qarjylyq qyzmetter qajet ekenin túsindik. Olar qarajattaryn qaýipsiz saqtaýdy, tólem servısterin paıdalanýdy jáne bıznesti damytýǵa arnalǵan qosymsha múmkindikterdi qalaıdy. Sondyqtan qyzmetter aýqymyn keńeıtip, ekinshi deńgeıli bankke aınalý – logıkalyq qadam boldy.
Bul sheshim bizge naryqtaǵy pozısııamyzdy nyǵaıtyp qana qoımaı, klıentterimizge yńǵaıly, qoljetimdi jáne zamanaýı qarjylyq sheshimderdi usynýǵa múmkindik beredi.
KMF bankke aınalǵannan keıin klıentter úshin ne ózgeredi? Túbegeıli ózgerister kútile me?
— Bizdiń klıentterimiz KMF óz mıssııasyna adal bolyp qalatynyna senimdi bola alady. Nysanaly aýdıtorııamyz ózgermeıdi, kerisinshe, qarjylyq qyzmetterimizdi odan ári yńǵaıly ári qoljetimdi etýge umtylamyz. Áıel-kásipkerler, shaǵyn bıznes ıeleri, shalǵaıdaǵy eldi-meken turǵyndary – buǵan deıin de KMF qyzmetiniń basty nazarynda boldy jáne bolashaqta da basymdyqqa ıe bolady.
Aıta ketý kerek, bankke transformasııalaný bizge kelesi jańa múmkindikterdi ashady:
- Klıentter depozıtter ashyp, jınaq jınaı alady, sonymen qatar tıimdi bank ónimderine qol jetkize alady.
- Tólem kartalary qoljetimdi bolady, bul qarjylyq esep aıyrysýlar men aýdarymdardy aıtarlyqtaı jeńildetedi.
- Kásipkerlerge arnalǵan nesıelik baǵdarlamalar spektri keńeıtilip, olardy odan da yńǵaıly etý josparda bar.
Eń bastysy, biz jańa qyzmetterdi engizip qana qoımaı, olardy Qazaqstan óńirleriniń turǵyndary úshin de qoljetimdi etemiz. Osylaısha, qarjylyq ınklıýzııany damytý mıssııamyzdy jalǵastyramyz.
Nelikten transformasııalaný múmkindigi qazir ǵana týyndady?
— Bul sheshimniń negizgi sebepteriniń biri zańnamalyq ózgerister boldy. Olar mıkroqarjylyq uıymdarǵa ekinshi deńgeıli bankke aınalý múmkindigin berdi. Biz retteýshi organmen (QNRDA) barlyq talaptardy oryndaı otyryp, konstrýktıvti dıalog júrgizdik jáne nátıjesinde qaıta qurylýǵa resmı ruqsat aldyq.
Qazirgi tańda, ásirese, kásipkerler men shalǵaı óńirlerdegi turǵyndardyń qarjylyq qyzmetterge teń qoljetimdiligi óte mańyzdy. Sondyqtan KMF bul baǵytta belsendi jumys isteýdi jalǵastyrady, klıentter men seriktesterdiń senimin aqtaı otyryp, qarjylyq qyzmetterdiń aýqymyn keńeıtedi.
Eń mańyzdysy, KMF óz qundylyqtaryn ózgertpeıdi, kerisinshe, olardy keńeıtedi. Biz shaǵyn jáne orta bıznesti qoldaýdy jalǵastyramyz, sıfrlandyrýǵa ınvestısııa salamyz, óńirlerdiń damýyna úles qosamyz jáne qyzmetterimizdiń qoljetimdiligin saqtaımyz.
Bul jaı ǵana mártebeniń ózgerýi emes, bul – KMF tarıhyndaǵy jańa kezeń. Biz klıentterimiz jáne seriktesterimizben birge osy joldy tabysty etetinimizge senimdimiz!
№ 02.21.0003.M lısenzııa, QNRDA 18.07.2024 j. berilgen
