Foto: Úkimet
Premer-mınıstr «Bozshakól» mys kenishi alańynda tehnologııalyq úderistermen tanysty. Zaýyt jylyna 30 mln tonna ken óńdeıdi. О́tken jyly 105 myń tonna mys óndirildi, sonymen qatar munda mys, altyn, kúmis jáne konsentrattaǵy myrysh óndiriledi. Daıyn ónim Qytaı, Túrkııa, О́zbekstan men Belgııaǵa eksporttalady. Memleket basshysynyń bastamasymen qolǵa alynǵan Jumysshy mamandyqtary jyly aıasynda jas mamandar daıarlaýǵa erekshe kóńil bólinip jatyr. Bıyl kásiporyn aqyly taǵylymdamadan ótý úshin 200-den astam stýdent tartýdy josparlap otyr. Búginde kompanııada 14 myńnan astam jumys orny ashylǵan.
Premer-mınıstrge óndiristik alańdarda zamanaýı tehnologııalardy engizý, onyń ishinde jasandy ıntellekt júıelerin damytý boıynsha júrgizilip jatqan jumystar týraly aqparat berildi. Tolyq dıspetcherleý kendi usaqtaýdan bastap konsentrat shyǵarýǵa deıingi barlyq kezeńderdi qamtıdy. Sondaı-aq karerlerdi 3D modeldeý úshin óndiristik prosesterdi modeldeý júıeleri men drondar qoldanylady. Bul jumystyń dáldigi men tıimdiligin edáýir jaqsartady.
«Elimiz óńdeý salasyna kóshý kerek, joǵary óńdelgen taýarlar óndirýdi arttyrý qajet. Memleket basshysy osyndaı mindet qoıyp otyr. Salyq kodeksinde joǵary óńdelgen taýarlar óndiretinder salyqty az tóleıtin qosymsha jeńildikter qarastyrylǵan. Bunyń barlyǵy óńdeý salasyn yntalandyrý úshin jasalyp jatqan qadamdar. Iаǵnı, qarajat óz elimizde qalady degen sóz. Qazir kóptegen elder qazaqstandyq shıkizat óńdeýdi damytýda. Ol ózimizge kerek. Onyń ústine «Qazaqmys» jáne «KAZ Minerals» sııaqty iri kásiporyndardyń ınvestısııa salýǵa múmkindigi bar», dedi Oljas Bektenov.
Premer-mınıstr Ekibastuzdaǵy «Qazaqstannyń vagon jasaý kompanııasy» JShS aýmaǵynda ámbebap jartylaı júk vagondaryn, jabyq vagondardy, vagon-platformalardy otandyq óndirýshiniń aǵymdaǵy óndiristik qýattarymen, sondaı-aq júk tasymaly kóleminiń jyl saıynǵy ósýin eskere otyryp, kórsetkishterdi odan ári arttyrý josparlarymen tanysty.
«SMP Group» JShS bas dırektory Erjan Qýanǵannyń aıtýynsha, kásiporyn qurylǵaly beri 9 myńnan astam jartylaı vagon, 26 platforma jáne 2 jabyq vagon shyǵarǵan. О́ndiristik qýaty aıyna 100-den 240 vagonǵa deıin artty. Búginde 3 myń jartylaı vagon jetkizýge jasalǵan kelisimshart merziminen buryn oryndalǵan. Shart mamyr aıynda aıaqtalady dep josparlanǵan. Kólik-logıstıkalyq keshendi damytý tujyrymdamasyn iske asyrý sheńberinde ózara is-qımyl máselelerine nazar aýdaryldy.
«Bizdiń elimiz tranzıt pen logıstıkada orasan zor ári tolyq ashylmaǵan áleýetke ıe. Temirjol júıesi vagondardy jańartýdy qajet etedi. Sondyqtan biz kásiporyndardyń óndiristi keńeıtý bastamalaryn qoldaımyz, dedi Premer-mınıstr jáne kólik, ulttyq ekonomıka mınıstrlikterine, «QTJ» men «Báıterek» holdıngine kásiporyndy qoldaý máselelerin pysyqtaýdy, onyń ishinde jartylaı vagondar men jabyq vagondardy jetkizýge uzaq merzimdi offteık-kelisimsharttaryn jasasý múmkindigin qarastyrýdy tapsyrdy.
Sonymen qatar, kásiporyn basshylyǵyna jergilikti qamtý úlesin keńeıtý júkteldi, búginde ol 57%-dy quraıdy.
