Esirtki • 29 Naýryz, 2025

Mańǵystaýda esirtki satqan qylmystyq top ustaldy

152 ret

kórsetildi

1 mın

oqý úshin

2025 jyldyń qańtar aıynda Mańǵystaý oblysynyń prokýratýrasymen esirtki jáne psıhotroptyq zattardy ótkizý deregi boıynsha (QK-niń 297-b. 3-b. 1-t.) sotqa deıingi tergep-tekserý bastaldy. Bul týraly Qazaqstan Bas prokýratýrasynyń baspasóz qyzmeti habarlady.

Shyńǵys MUQAEV

Mańǵystaýda esirtki satqan qylmystyq top ustaldy

Qylmystyq isti tergep-tekserýdi oblys prokýratýrasynyń Sotqa deıingi tergep-tekserý basqarmasyna tapsyryldy.

Oblys prokýrory Aıdos Maılybaevtyń ókimimen vedomstvoaralyq jedel-tergeý toby quryldy. Onyń quramyna Qazaqstan Respýblıkasy Qarjylyq monıtorıng agenttigi jáne oblystyq Polısııa departamentiniń qyzmetkerleri de kirdi.

– 2025 jylǵy 28 naýryzda tergep-tekserilip jatqan qylmystyq istiń eki epızody boıynsha qatysy bar adamdar ustalyp, QPK-niń 128-babyna sáıkes ýaqytsha ustaý ızolıatoryna qamaldy. Sotpen olarǵa qatysty «kúzetpen ustaý» túrindegi bultartpaý sharasy qoldanyldy. Oqıǵa bolǵan jerdi qarap-tekserý kezinde 1,174 mlrd teńge jáne 176 myń AQSh dollary alyndy, - delingen Qazaqstan Bas prokýratýrasynyń baspasóz qyzmeti taratqan habarlamada.

Is boıynsha tergep-tekserý jalǵasyp jatyr. Tergep-tekserý barysy oblys prokýrorynyń qatań baqylaýyna alyndy.

QPK-niń 201-babyna sáıkes sotqa deıingi tergep-tekserý derekterin jarııa etýge jol berilmeıdi.