О́tken jyly Japonııanyń Ǵylym jáne tehnologııalar jónindegi agenttigi (JST) qorshaǵan ortany qorǵaý, energııa/bıoresýrstar/apattardyń aldyn alý jáne azaıtý sııaqty úsh negizgi baǵyt boıynsha ótinimderdi qabyldaýdy bastaǵan. Arnaıy komıtet ótinimderdi baǵalap, úmitkerlermen áńgimeleskennen keıin, 64 usynystyń ishinen 10 ǵylymı jobany iriktep aldy. Olardyń arasynda Hokkaido University professory Eheı Kavamýra men NU professory Fıdelıs Sýorınenıdiń birlesken jobasy bar. Elimiz bul baǵdarlamaǵa alǵash ret 56 elmen qatar qatysyp otyr.
Next-generation Smart Mining Plus for Sustainable Resources Development qazaqstandyq-japondyq ǵylymı jobasy Qazaqstanda taý-ken ónerkásibiniń ekologııalyq qaýipsiz júıesin qurýǵa baǵyttalǵan. Bul ónerkásiptik damý men dekarbonızasııa arasyndaǵy tepe-teńdikke qol jetkizýge múmkindik beredi. Qazaqstan tabıǵı resýrstarmen, onyń ishinde sırek kezdesetin metaldarmen baı el retinde taý-ken qazý jumystarynan kómirtegi shyǵaryndylary men sýdyń lastanýyna tap bolyp otyr. Zertteý osy máselelerdi sheshý úshin aqyldy tehnologııalar men ekologııalyq taza óndirý ádisterin engizýge baǵyttalǵan.
Zertteýler 2030 jylǵy 31 naýryzǵa deıin jalǵasady, al granttyń jalpy somasy – $3,2 mln. Zertteýshiler aldynda ekologııalyq monıtorıng júıesin qurý, sıfrlyq egizdi ázirleý, lastanýdy baqylaý tehnologııalaryn engizý jáne «Smart Mining+» úshin ınstıtýsıonaldyq qurylymdy damytý mindetteri tur.
Joba О́nerkásip jáne qurylys mınıstrliginiń qoldaýymen júzege asyrylýda. Sondaı-aq osy joba arqyly NU zamanaýı jabdyqtardy jetkizý, oqytýshylar quramymen almasý, stýdentter men tehnologtardy oqytý jáne qyzmetkerlerge arnalǵan biliktilikti arttyrý baǵdarlamalaryn qosa alǵanda, aıtarlyqtaı artyqshylyqtarǵa ıe bolady.
