Foto: parlam.kz
Nurlan Áýesbaevtyń aıtýynsha, 2023 jylǵy 30 qarashada atalǵan partııa Eńbek jáne halyqty áleýmettik qorǵaý mınıstrligine qudyqtardy paıdalaný kezindegi qaýipsizdik tehnıkasy erejeleri boıynsha depýtattyq suraý joldaǵan eken.
«Alaıda atalǵan saýalǵa baılanysty eshqandaı shara qabyldanbady. Osyndaı salǵyrttyqtan jáne qaýipsizdik erejeleriniń saqtalmaýynan ólim-jitim men oqys oqıǵalar áli de tirkelip jatyr», dedi depýtat.
Májilismen aıtqan mysaldary barysynda 2024 jyly mert bolǵandardy keltirdi. Aıtýynsha, qańtar aıynda Abaı oblysynda 3 jumysshy ýlaný saldarynan, mamyrda Almatyda 2 santehnık gazdan ýlanyp, shilde aıynda Arys qalasynda 1 áskerı qyzmetker jáne beıbit 2 azamat oqys oqıǵa saldarynan, tamyzda Aqtóbe oblysynda 2 kommýnaldyq qyzmetker metan gazynan ýlanýdan, qyrkúıekte Pavlodar oblysynda 4 adam belgisiz gazdan qaıtys bolyp ketken.
«Memleket basshysy 2025 jyldy Jumysshy mamandyqtar jyly dep jarııalady. Eger jumys berýshiler eńbek qaýipsizdigin qamtamasyz etpese jáne memlekettik organdar bul talaptardyń oryndalýyn baqylaı almasa, kommýnaldyq sala qyzmetkerleriniń oqys jaǵdaıda qaza tabýy jalǵasa bermek», dedi N.Áýesbaev.
N.Satybaldyulynyń sózinshe, osydan 2 jyl buryn kótergen talaptary ókinishtisi sol, áli kúnge deıin ózekti bolyp qalyp otyr.
«Sondyqtan sizden tómendegilerdi taǵy da talap etemiz:
- Káriz júıeleri men ózge de santehnıkalyq baǵyttaǵy qudyqtardy paıdalanatyn zańdy tulǵalarǵa óńirlik taldaý júrgizý, olardyń eńbek qaýipsizdigi normalaryn saqtaýyn jáne jeke qorǵanys quraldary men gazdardy májbúrli túrde shyǵarý jabdyqtarynyń bolýyn tekserý qajet, sol jumys nátıjeleri týraly bizge aqparat berý;
- Atalǵan salamen aınalysatyn uıymdardyń kadrlyq áleýetin zertteý. О́ńirler boıynsha bilikti mamandardyń jetispeýshiligi qandaı deńgeıde, ony sheshý úshin qandaı memlekettik sharalar qajet ekenin anyqtaý;
- Osy qyzmet túrin lısenzııalaý qajettiligin taldaý jáne zertteý nátıjelerin bizge dáleldeme retinde usyný;
- Qudyqtardy paıdalanatyn uıymdarǵa gazdardy joıý jáne zalalsyzdandyrýǵa arnalǵan tehnıkalyq jabdyqtardy mindetti túrde ustaý talaptaryn bekitý, sondaı-aq qaýipsizdik erejelerin saqtamaǵany úshin jaýapkershilikti kúsheıtý», dep sózin aıaqtaǵan Májilis depýtaty saýaly boıynsha Úkimet basshysynan zańda belgilengen merzim boıynsha jazbasha jaýap surady.
