Bul kórsetkishter qarǵyn sýdyń artýy, kóktemgi tasqynǵa sáıkes qaýipsiz sanalady. Ázirge tek Esil aýdanyndaǵy Úlken Torańǵul kóliniń sýy qaýipti deńgeıge jetip tur. 31 naýryzdaǵy málimetke qaraǵanda, Petropavl qalasyndaǵy jaǵajaı aýmaǵynda «Ýchıtel-1», «Ýchıtel-2» saıajaılaryna baratyn joldy 20-30 sm tereńdikpen jalpy uzyndyǵy 40 metrdeı aýmaqta qarǵyn sý basyp qaldy. Degenmen mundaǵy turǵyn úılerdi sý basý qaýpi ázirge joq. PD qyzmetkerleri osynda turyp jatqan 19 otbasyn sý basý qaýpi joq aımaqtarǵa kóshirý jumystaryn júrgizip jatyr.
«Qazsýshar» RMK oblystyq fılıalynyń dırektory Shuǵaıyp Ibatýllınniń aıtýynsha, bıyl byltyrǵydaı qaýip joq. Esil ózeni aǵynynyń negizgi retteýshisi – Sergeev sý toraby. Bıyl ózenniń osy toraptaǵy deńgeıi 92 sm-ge jetip, qazir 3 sm tómendegen. «Bul byltyrǵy deńgeıge qaraǵanda úsh ese tómen. Sondyqtan sý tasqyny bolar degen qaýip joq», dedi ol.
О́tken jylǵy alapat tasqynnan keıin Sergeev, Petropavl sý toraptarynda aǵymdaǵy jóndeý jumystary, sý tasqynyna qarsy is-sharalar júrgizildi. «Jumystyń negizgi túrleri Sergeev, Petropavl sý toraptarynyń jaǵalaýyn nyǵaıtý, betkeılerin kóterýge baǵyttaldy. Qańtar aıynda Sergeev gıdroqurylysy bógetiniń mańyndaǵy tómengi befte túbin tereńdetý jóninde jumystar oryndalyp, 940 tekshe metr topyraq qospasy alynyp tastaldy. Esil ózeniniń tabıǵı arnasyn qalpyna keltirý maqsatynda ózenniń tirek qurylysynyń tómengi ýchaskesin taspen toltyrý júrgizildi», dedi Sh.Ibatýllın.
Naýryzdan bastap fılıal bazasynda, Sergeev, Petropavl sý toraptarynda táýlik boıy jumysshylar kezekshiligi uıymdastyryldy. Kezekshiler múddeli organdardy sý qoımalarynyń sýyn toltyrý, aǵyzý jónindegi aqparattarmen habardar etip otyrady. Qazir Sergeev, Petropavl sý toraptary shtattyq rejimde jumys istep tur.
TJD baspasóz qyzmetiniń basshysy Evgenıı Jýravlev málimdegendeı, Sergeev sý qoımasynyń sýy qalyptaǵy jyldardyń sáıkes merzimine qaraǵanda 16%-ǵa artqan. Cý deńgeıi – 802 mln tekshe metr, barlyq syıymdylyq – 890 sharshy metr.
Oblysta ázirge avtomobıl joldaryna 24 ret sý shyqqan faktiler tirkelgen. Kentishilik 2 469 sýaǵar qubyrlar tazalanǵan, 238 myń metr aryqtar ashylǵan. Bıyl eldi mekenderge túsken qar kólemi byltyrǵyǵa qaraǵanda shaǵyndaý bolsa da, 1 mln 428 myń tekshe metr qar syrtqa shyǵarylǵan. Qala, aýyl-aýdandarda qarǵyn sýdan paıda bolǵan 113 myń tekshe metr sý motopompa, sorǵyshtarmen syrtqa aıdalǵan. О́zenniń tasqyn sýlaryn bógeýge arnalǵan dambalardy kóterý, nyǵaıtý maqsatynda 170 myń dana qapshyqtarǵa salynǵan ınertti materıaldar úıilgen.
Seń keptelisin boldyrmas maqsatynda Esil ózeniniń boıyndaǵy 50 ýchaskede jarylys jasaldy. Onyń 43-i Petropavl qalasynyń mańynda, al jeteýi Qyzyljar, Esil, Shal aqyn, Ǵ.Músirepov, Aıyrtaý, Aqjar, Ýálıhanov aýdandarynda júrgizildi. Jarylys 23133 sharshy metr aýmaqty qamtydy.
Gıdromettiń málimetine qaraǵanda, oblystaǵy shaǵyn ózender sýynyń kóterilýi birshama joǵary. Máselen, Gýsakovka aýylynyń mańyndaǵy Babyqburlyqta – 46 sm, Aqqanburlyqta – 62 sm.
Qyzyljar aýdanyna TJM 28 237 áskerı bólimshesinen 45 jaýynger men 5 arnaýly tehnıka kómekke keldi. Búginde sý tasqynynyń jaǵdaıy qalypty.
Soltústik Qazaqstan oblysy
