Sýret: business-vector.info
Jáırem kentinde bıyl paıdalanýǵa beriletin bir kommersııalyq úıdiń qurylysy aıaqtalýǵa jaqyn. О́ńirde halyqtyń áleýmettik osal toptary men kópbalaly otbasylarǵa ótken jyly 80 páter berilse, bıylǵy Naýryz merekesi qarsańynda respýblıkalyq bıýdjet esebinen taǵy 40 páter ıelerin tapty. Bul týraly Ulytaý oblysynyń ákimi Dastan Ryspekov Qarajal qalasynyń turǵyndarymen kezdesý barysynda málimdedi.
Bıyl respýblıkalyq bıýdjet esebinen Qarajal qalasynda qosymsha 10 páter satyp alý josparlanǵan. Sonymen qatar 96 páterdi satyp alýǵa 1,4 mlrd teńgege ótinim berý múmkindigi qarastyrylyp jatyr. 2026–2028 jyldary Qarajalda 100-den astam bir qabatty, ekipáterli úıler salý josparlanǵan. Bul joba halyqtyń áleýmettik osal toptarynan 200-ge jýyq otbasyn baspanamen qamtamasyz etýge múmkindik beredi.
Qarajal qalasynyń Táýelsizdik kóshesi boıyndaǵy 12-úıde qaıta jańǵyrtý jumystary júrgizilip jatyr. Budan bólek, jergilikti bıýdjet esebinen jalpy quny 2,8 mlrd teńgeni quraıtyn 6 ınjenerlik-kommýnıkasııalyq ınfraqurylym jobasy iske asyryla bastady. Joba 25 kópqabatty úıdi (719 páter), 373 jeke turǵyn úıdi ınjenerlik jelilermen qamtamasyz etýge baǵyttalǵan.
Qarajaldaǵy jeke turǵyn úılerge, 89 ýchaskege ınjenerlik-kommýnıkasııalyq ınfraqurylym júrgizýge oblystyq bıýdjetten 55 mln teńge bólindi. Jalpy, óńirde turǵyn úı qurylysyna 3,8 mlrd teńge qarastyrylyp, onyń ishinde Qarajal qalasyna 200 mln teńge kózdelgen. Sonymen qatar Qarajal qalasy men Jáırem kentinde avtomobıl kóligine arnalǵan avtoturaq qurylysy júrip jatyr. Jobaǵa oblystyq bıýdjetten 512 mln teńge qarastyrylǵan. Jáıremdegi avtoturaq qurylysyn aıaqtaý maqsatynda Tótenshe jaǵdaılar mınıstrligine qosymsha qarajat bólýge ótinim berildi.
Ulytaý oblysy
