Kedergisiz ómir

Baǵdarlamada qala­ny damy­tý­dyń uzaqmer­zimdi strategııalyq basym­dyqtary eskeriledi. Oǵan qosa teń múm­kindikterdi qamtamasyz etip, osy sanattaǵy azamattardy qa­la ómi­riniń barlyq salasyna to­lyq­­­qandy aralastyrýdy kóz­deıdi. 

Sondaı-aq bıyl 32,5 myń qalalyq ınfra­qurylym nysandaryn pas­porttaý josparlanǵan. Osy úderisti avtomattandyrý maqsatynda naqty ýaqyt rejiminde obektilerdi pasporttaý men beıimdeý barysyn jedel baqylaýǵa múmkindik beretin mobıldi platforma quryldy.

Jalpy, Almaty ın­klıý­zıvti orta qurýda kósh­­basshylyq tanytyp tur. Munda erekshe qa­jet­­tilikteri bar adamdardy qosa alǵanda, halyqtyń mo­­bıl­­­di­ligi tómen toptaryna qa­­tys­ty kedergilerdi joıyp, qu­qyqtardyń teń­digin qamtamasyz etýge basty nazar aýdarylady.

О́ńirlik kommýnıkasııalar qyzmetinde ótken brıfıngte «ITeachMe» qoǵamdyq qorynyń dırektory Zahıra Begalıeva múgedektigi bar adamdar úshin qoljetimdi qalalyq ortany qurýdyń negizgi kórsetkishteri men jos­parlary týraly málim­deı kele, byltyr bul baǵyt­ta naqty jobalar júzege asyryl­ǵanyn, 2025 jyl teń múmkindikter qoǵamyn qurý jolynda mańyzdy kezeń bolatynyn atap ótti. 

Negizgi jetistikter arasynda qala ómiriniń 15 baǵyty men 90 jobany qamtıtyn úzdik álemdik tájirıbelerge negizdelgen «Inklıýzıvti Almaty» baǵdar­lamasynyń jóni bólek. Ol bilim berý, den­saýlyq saqtaý, máde­nıet, sport salasynda teń múmkindikter qalyp­tastyrýǵa baǵyttalǵan.

Halyqaralyq saıasat aıasyn­da elimiz «Múge­dekterdiń quqyq­tary týra­ly» konvensııa­ny ratı­fıkasııalap, 2023 jyly fakýl­tatıvtik hattamaǵa qol qoı­ǵany belgili. So­nymen qatar qala­lyq baǵ­dar­lamalardy ázir­leý­de qoldanylatyn Berlın tájirı­besine erekshe nazar aýdarylyp otyr. Bul qujattar, talaptar da memleket deńgeıinde áleýmettik qorǵaýdy kúsheıtýge yqpal etedi. Sondaı-aq megapolıste qalalyq saıasatqa ınklıýzıvti tásilderdi bel­sendi engizetin ınklıýzııa máseleleri jónindegi shtattan tys keńesshiniń róli kúsheıtildi.

Sonymen bıyl 2025–2030 jyldarǵa arnalǵan ınklıýzıvti saıasat tujy­rymdamasynyń jańa kezeńin iske asyrý bas­taldy. Túpki maqsat – múge­dek­tik­tiń medısınalyq jáne qaıyrym­dylyq modelinen áleý­met­tik jáne adam quqyqta­ryn qorǵaýǵa kóshý. Bul bastama árkimniń tolyqqandy ómir súrýine jaǵdaı jasaı otyryp, fızıkalyq, quqyqtyq, aqparattyq kedergilerdi joıýǵa múmkindik beredi.

ALMATY