Osy jyldyń 1-2 sáýirinde Oral qalasynyń «Qazaqstan halqy Assambleıasy» májilis zalynda QR Mádenıet jáne aqparat mınıstrligi Din isteri komıtetiniń jáne «Azamattyq bastamalardy qoldaý ortalyǵy» KeAQ-nyń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Sharaǵa Din zertteý ortalyǵynyń, meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary men teologtary qatysty.
Jıynda rıtorıka mamany Amanbek Tolqyn (túsindirý tobynyń múshesi) «Effektıvnaıa kommýnıkasııa. Konflıktologııa» taqyryby aıasynda qatysýshylarǵa tıimdi qarym-qatynas ornatý jáne konflıkttermen jumys isteý úshin paıdaly quraldardy usyndy. Sondaı-aq, dáris taqyrybyna sáıkes praktıkalyq jaǵdaılar men ómirlik mysaldar arqyly nátıjege qandaı faktorlardyń áser etetinin kórsetýge kómektesti.
Munan soń, taǵy bir túsindirý tobynyń múshesi, psıhologııa mamany Shakımova Lola Sergeevna «Osýshestvlenıe psıhokorreksıonnoı deıatelnostı s adeptamı DRT» jáne «Innovasıonnye tehnologıı verbovkı, prımenıaemye lıderamı DRT» taqyryptarymen qatysýshylarǵa destrýktıvti dinı aǵymdardy ustanýshylarmen ońaltý jumysyn qalaı júrgizý kerektigin, olardyń synı oılaýyn, emosıonaldyq turaqtylyǵyn jáne áleýmettik baılanystaryn qalpyna keltirý praktıkasyn júrgizdi. Sonymen qatar, osy taqyryptar aıasynda DDA áserinen shyǵý kezeńderi qarastyrylyp, dıagnostıka men jańa maqsattardy qalyptastyrý prosesi taldandy.
Semınarlar men trenıngter barysynda qatysýshylardyń dáriskerlerge qoıǵan suraqtaryna tushymdy jaýaptar berildi.
