Almatydan at arytyp kelgen mamandar jáne oblystyq klınıkalyq aýrýhanasynyń dárigerleri Ordabasy aýdandyq ortalyq aýrýhanasynda naýqastardy qabyldap jatyr. Mamandardyń maqsaty – turǵyndarǵa uıymdastyrýshylyq-ádistemelik jáne konsýltasııalyq kómek kórsetý. Quramynda kardıolog, kardıohırýrg, gepatolog, nefrolog, arıtmolog syndy joǵary bilikti dárigerler men júrektiń ýltradybystyq zertteý mamany bar jumys tobynyń kómegine júginýshiler de az emes. Mysaly, tańnan bastalǵan qabyldaý ýaqytynyń bir saǵatynda 50-den astam naýqas tirkelip, 17 adam tekserýden ótti. Iаǵnı sapaly medısınalyq qyzmetke degen suranys joǵary. Turǵyndarǵa kórsetiletin kómek tek dıagnostıkamen shektelmeı, dárigerler emdeý men aldyn alý sharalaryn túsindirip, júrek-qan tamyrlary, búırek jáne baýyr aýrýlary boıynsha keńester berip jatyr.
Osylaısha almatylyq mamandar bir jaǵynan naýqastarǵa sapaly medısınalyq kómek kórsetip, ekinshi jaǵynan, jergilikti dárigerlerdiń tájirıbe jınaqtap, jańa tehnologııalardy meńgerýine múmkindik jasap otyr. Aldaǵy ýaqytta mundaı sharalar júıeli túrde uıymdastyrylmaq.
Túrkistan oblysy
