Joba 2018 jyly Qazaqstan men Qytaı úkimetteri arasyndaǵy ǵylymı-tehnıkalyq yntymaqtastyq týraly kelisim jáne Qytaıdyń Aýyl sharýashylyǵy ǵylymdary akademııasy, Sınszıan agrarlyq ýnıversıteti men S. Seıfýllın atyndaǵy QazATZÝ arasyndaǵy ózara túsinistik týraly memorandým aıasynda qurylǵan qazaqstan-qytaı bıologııalyq qaýipsizdik zerthanasynyń bazasynda júzege asyrylady.
Qazaqstan men kórshiles elder úshin bul aýrýdyń ózekti másele bolyp qala beretini atap ótildi. Infeksııalyq anemııa jylqylardy, esekterdi jáne qashyrlardy zaqymdaıdy. Qazaqstanda jylqy popýlıasııasy 4 mıllıon basty qurasa, Ortalyq Azııada 10 mıllıonnan asady.
Qazirgi ýaqytta Eýropa men Shyǵys Azııadan tys jerde jylqynyń ınfeksııalyq anemııasy boıynsha WOAH referens-zerthanasy joq. Joba aıasynda 2028 jylǵa deıin Harbın veterınarııa ǵylymı-zertteý ınstıtýtynyń mamandary agrarlyq ýnıversıtet ókilderin aýrýdy dıagnostıkalaý men emdeýdiń qajetti bilimderi men daǵdylaryna úıretedi.
Joba aıaqtalǵan soń, QazATZÝ jylqynyń ınfeksııalyq anemııasyna ISO 17025 standarty boıynsha testileý júrgizetin bolady, bul zerthanaǵa referens-zerthana mártebesin alýǵa múmkindik beredi.
Harbın veterınarııa ınstıtýtynyń ókilderi ýnıversıtetke janýarlardyń ınfeksııalyq aýrýlaryn dıagnostıkalaý boıynsha akkredıtasııa sertıfıkatyn tabystady.
