Foto: Sý resýrstary jáne ırrıgasııa mınıstrligi
Atalǵan kólemdegi sý – sýarý kezeńinde alynady.
Mınıstrliktiń baspasóz qyzmetiniń málimdeýinshe Samarqandta Ortalyq Azııanyń Memleketaralyq sý sharýashylyǵyn úılestirý komıssııasynyń 89-shy otyrysy ótti.
Al, «Dostyq» memleketaralyq kanalymen sýarý kezeńinde Qazaqstanǵa 909 mln tekshe metr sý keledi. Soltústik Aralǵa 975 mln tekshe metr sý jiberý josparlanyp otyr.
«Sýdy ózen-kólderge baǵyttap, ony sý qoımalaryna jınap jatyrmyz. Alaıda, ońtústik aımaqtarǵa keletin bolsaq, sý dıplomatııasy óte mańyzdy. Jazǵy sýarý kezeńine daıyndyq sheńberinde biz byltyrdan kelissóz júrgizdik. Syrdarııa ózeni arqyly Qazaqstanǵa keletin sý Shardara qoımasynan jınalyp, ońtústik oblystardyń sharýalaryn qamtamasyz etý úshin paıdalanylady. Byltyr sýdy tıimdi bólý, sý únemdeý tehnologııalaryn engizý jáne kórshi eldermen ýaqtyly kelissóz júrgizý arqyly biz sharýa qojalyqtarynyń sýarmaly sýǵa degen qajettilikterin tolyq qanaǵattandyra aldyq. Bıyl da osyǵan qol jetkizýge nıettimiz», dedi mınıstr N.Nurjigitov.
Eske salaıyq, byltyrǵy qazan aıynan osy jyldyń 1 sáýirine deıin О́zbekstan Qazaqstanǵa 12,6 mlrd tekshe metr sý jibergen edi, bul – josparlanǵan kólemnen 1,7 mlrd tekshe metrge artyq.
