Jasy kelgen naýqas óńeshi men sol jaq búırektiń qaterli isikterine ulasqan bastapqy kóp sınhrondy obyr dıagnozymen Almaty onkologııalyq ortalyǵynyń hırýrgııa bólimshesine jatqyzylǵan edi.
Salystyrmaly túrde sırek kezdesetin sınhrondy isikter aýyr dıagnostıka ǵana emes, kúrdeli terapevtik tapsyrma desek te bolady ári keshendi tásilder men otany muqııat josparlaýdy talap etedi.
Medısınalyq konsılıým naýqasty egjeı-tegjeıli tekserip, jaǵdaıyn baǵalaǵannan keıin, óńeshtiń sýbtotaldy rezeksııasyn zardap shekken organnyń kóp bóligine qosa, nefrektomııany - sol jaq búırekti tolyǵymen alyp tastaıtyn aralas hırýrgııalyq operasııa jasaý týraly sheshim qabyldaıdy.
Onkohırýrgııa bólimshesiniń meńgerýshisi Nurlan Baltaev jasaǵan bul ota hırýrgııalyq qana emes, anestezıologııalyq turǵydan da óte kúrdeli bolǵan.
О́ńeshtiń sýbtotaldy rezeksııasy zardap shekken tinderdi qorshaǵan múshelerden dál bólýdi, tamaqtyń ótýine jańa jol ashyp, otadan keıingi yqtımal asqynýlardyń aldyn alýdy talap etedi.
Sonymen qatar, nefroektemııa operasııanyń qıyn tusy edi, óıtkeni bul otada búırek tamyrlaryn saqtap, qan joǵaltpaı, qalǵan búırektiń tolyq jumys isteýin qamtamasyz etý qajet.
Mamandardyń aıtýynsha, qıyndyqtarǵa qaramaı, tórt saǵatqa sozylǵan ota sátti ótken.
