Foto: Ashyq derekkóz
«Qosylǵan qun salyǵy 16% bolady, bul salyq boıynsha shek 40 mln teńge mólsherinde belgilenedi. Áleýmettik mańyzy bar azyq-túlik, kitap basyp shyǵarý, arheologııa – qosylǵan qun salyǵyn tóleýden bosatylady. Sonymen qatar, áleýmettik salada, densaýlyq saqtaý salasynda Úkimet salyqtan bosatylǵan dári-dármekterdiń áleýmettik tizimin aıqyndaıtyn bolady. Qun salyǵy tek aqyly medısınalyq qyzmetterge salynady, mólsherlemesi 10% bolady», dedi Serik Jumanǵarın.
Mınıstrdiń habarlaýynsha, áleýmettik saladaǵy korporatıvti tabys salyǵy kezeń-kezeńimen ósedi – 2026 jyldan bastap 5%-ǵa jáne 2027 jyldan bastap 10%-ǵa.
«Arnaýly salyq rejıminde tyıym salynatyn emes, ruqsat etilmeıtin tizim engiziledi. Tyıym salynbaǵannyń barlyǵyna ruqsat beriledi. Aýyl sharýashylyǵy taýaryn óndirýshiler úshin «mınýs 70%» jeńildik stavkasy kúshinde qalady. О́ńdeý ónerkásibi úshin korporatıvti tabys salyǵy mólsherlemesi 20% kúıinde qalady. Bank operasııalary boıynsha da qosymsha qun salyǵy alynatyn bolady. Básekelestikti qorǵaý agenttigi Úkimetpen birlesip, baǵanyń ósýine jol bermeý úshin qoldanystaǵy tarıfterdiń negizdiligine taldaý júrgizedi», dedi mınıstr.
